Xitay bayanatchisi xung léy malayshiyada qolgha chüshken Uyghurlar üstide tekshürüsh élip bériwatqanliqini éytqan

Muxbirimiz irade
2014.10.09

Xitay tashqi ishlar ministirliqining muxbirlarni kütüwélish yighinida bir muxbir bayanatchisi xung léydin malayshiyada qolgha chüshken 155 Uyghurni xitay hökümitining qayturup ekétidighan yaki eketmeydighanliqini sorighinida, xong léy buninggha jawab bérip “Biz ehwaldin xewer taptuq, weqe üstide téxi tekshürüsh élip bériwatimiz” dégen.

Malayshiya köchmenler da'iriliri ötken yekshenbe küni ku'ala lumpurdiki bir binadiki ikki éghizliq öyde jem'iy 155 neper Uyghur musapirni qolgha chüshürgenlikini élan qilghan. Ularning 76 nepiri kichik bala idi.

Nöwette bu Uyghurlarning teqdiri, chet'ellerdiki Uyghur pa'aliyetchilerni endishige salmaqta. Ular malay hökümitini musapirlarni qoghdap, ularni b d t ning musapirlar qanuni boyiche bir terep qilishqa chaqirmaqta. Tünügün malayshiyadiki bir qisim kishilik hoquq organlirimu malay hökümitini bu Uyghurlarni xitaygha qayturmasliqqa chaqirghan. B d t ning malayshiyadiki musapirlar ishxanisi bashliqi charshenbe künidiki sözide, özlirining bu kishilerning ehwalini aydinglashturush üchün alaqidar orunlar bilen alaqilishiwatqanliqini éytqan.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.