Amérka kéngesh palata ezasi marku rubiyo kéngesh palatasigha “Uyghur siyasiti qanun layihesi” sun'ghan

Muxbirimiz erkin
2022-04-08
Share

Amérika kéngesh palatasining jumhuriyetchiler partiyesidin bolghan ezasi marku rubiyo Uyghurlarni qoghdashqa a'it yene bir qanun layihesi teyyarlap kéngesh palatasigha sun'ghan.

Melum bolushiche, u teyyarlighan “Uyghur siyasiti qanun layihesi” amérika we bashqa döletlerdiki Uyghur muhajirlirini qollashni kücheytish, shundaqla kishilik heq-hoquqliri xitay kompartiyesining depsendichilikige uchrawatqan Uyghurlarning ehwalini yaxshilash üchün heriket qilishni meqset qilghan iken. Bu qanun layihesining bir nusxasi ilgiri awam palatasida jumhuriyetchi awam palata ezasi yong kim bilen démokratchi awam palata ezasi amé béra teripidin otturighan qoyulghan idi.

“Uyghur siyasiti qanun layihesi” ning kéngesh palatasidimu otturigha qoyulushi, uning qanun'gha aylinishning yolini échishtiki halqiliq qedem, dep qaralmaqta. Marku rubiyo bu heqtiki bayanatida mundaq dégen: “Xitay kompartiyesi Uyghurlargha we köp sanliqi musulman bolghan bashqa az sanliq milletlerge qarita yirginishlik irqiy qirghinchiliq we kishilik hoquq depsendichiliki élip barmaqta. Amérika bu qorqunchliq xorlashqa süküt qilalmaydu.”

Marku rubiyo yene “Men Uyghurlargha bolghan tonushni we qoghdashni küchüytish üchün qanun layihesi sun'ghanliqimdin iptixarlinimen we shundaqla meslekdashlirimni bu qanun layihesini tézraq maqullashqa chaqirimen,” dégen.

Melum bolushiche, mezkur qanun layihesi amérika tashqiy ishlar ministirliqining Uyghur kishilik hoquq pa'aliyetchilirini amérika nutuq programmmisigha kirgüzüp, musulman döletliridiki ammiwiy diplomatiye munberliride Uyghur we bashqa musulman milletler uchrawatqan depsendichilikni sözleshke orunlashturush؛ xitay bilen bolghan diplomatik uchrishishilarda Uyghur rayonidiki lagérlarni ziyaret qilish؛ Uyghur tutqunlirini qoyup bérishke kapaletlik qilishning istiratégiyesini belgilesh؛ amérika diplomatlirini Uyghur tilida terbiyelesh؛ xitay, türkiye we Uyghurlar köprek yashaydighan bashqa döletlerdiki amérika diplomatik orunlirida az dégende birdin Uyghur tili bilidighan xadimlar bolush؛ amérikaning b d t diki elchisige b d t da Uyghur we shinjang Uyghur aptonom rayonigha munasiwetlik pa'aliyetlerge kashila qilishqa alaqidar herqandaq qarargha qarshi turush toghrisida buyruq bérish, qatarliqlarni öz ichige alghan iken.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.

Toluq bet