Marko rubi'o xitay re'isi shi jinpingning wehime arqiliq hakimiyet yürgüzüwatqanliqini bildürdi

Muxbirimiz jüme
2016-01-24
Share

Amérika dölet mejlisining xitay ishlar ijra'iye komitéti bayanat élan qilip xitay chong quruqluqi we xongkong qatarliq jaylarda yüz bériwatqan yéqini hadisilerdin qattiq chüchügenlikini, xitay re'isi shi jinpingning peqet wehime sélish arqiliq hakimiyet yürgüzüwatqanliqini bildürdi.

Bayanatni komitét re'isliridin kristofér smit we marko rubi'o birlikte élan qilghan.

Bayanatta kristofér smit mundaq dégen: "Prézidént shi ning qattiq istibdatliq yoligha qarap özgirishi, kishini bi'aram qilipla qalmastin, belki eks tesir peyda qilidu. Yéqinqi hadisilerge qarighanda, buning qachan toxtaydighanliqi yaki emdi kimning nishan qilinidighanliqi éniqsiz. Hetta chet'el we xongkong puqralirimu özini pütünley bixeter hés qilalmaydighan bolup qaldi."

Bayanatta yene xitayning yéngi qanunliri qanun ijra qilish organlirigha öktichilerni basturush hoquqi bergenliki, buning xitayni barghanche bir garnizon dölitige aylandurup qoyuwatqanliqi körsitilgen.

Marko rubi'o mundaq körsetken: "Qisqisi xitay re'isi shi jinpingning qanun bilen emes qorqutup hakimiyet yürgüzüshi, milyonlighan xitay puqralirini biz amérikaliqlar behrilen'gen négizlik hoquqlardin behrilinish teshnaliqigha muptila qildi. Emma ularning bu xil arzuliri qorqutush, türmige tashlash, qiyin - qistaq we hetta ölüm jazalirigha duch keldi."

Bayanatta xitayning yéqinqi qilmishliri süpitide, kishilik hoquq adwokatlirining türmige tashlinishi, emgek hoquqni terghibatchilirining basturulushi, chet'el puqralirining görüge élinishi, xitayni eyibligüchilerning mejburiy qayturup kétilishi, chet'el puqralirining xorlinishi qatarliqlar körsitilgen.

Bularning qatarida Uyghurlar heqqide yazghan maqalisi tüpeyli 31 - dékabir xitaydin mejburiy chiqirip tashlan'ghan firansuz muxbir ursila gotiyr weqesi alahide tilghan élin'ghan. Bayanatta bu heqte mundaq déyilgen: "Dékabirda firansuz muxbiri ursula gotiyr shinjangdiki zorawanliq heqqidiki maqalisi seweblik xitaydin qoghlap chiqirildi."

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.

Toluq bet