Ақсудики маска җиддийлики юқумға даир қисмән әһваллардин бешарәт бәрди

Мухбиримиз әзиз
2020-09-01
Елхәт
Пикир
Share
Принт

«Ақсу гезити» ниң 31-авғусттики хәвиридә ейтилишичә, ақсудики һөкүмәт тармақлири базарларға ямрап кәткән ялған вә сахта маскиларни бир тәрәп қилип, маска базириниң муқимлиқиға кепиллик қилишқа тиришмақтикән. Хәвәрдә ейтилишичә, нөвәттә ақсу базарлирида мәнбәси ениқ болмиған, һечқандақ лаяқәтлик гуваһнамиси болмиған яки маска ролини ойниялмайдиған зор сандики сахта маскилар тарқалған.

Өткән бир ай ичидә уйғурлар дияридики һәммә шәһәр вә наһийәләр таҗсиман вируси юқуминиң алдини елиш үчүн қаттиқ қамал тәдбирлирини алғаниди. Шу вақитларда һөкүмәт тармақлири юқумдарларниң асасий җәһәттин үрүмчи шәһиридә икәнликини, башқа җайларда, җүмлидин ақсуда бирму юқумдарниң йоқлуқини тәкитләп кәлгәниди.

Хәвәрдә ейтилишичә нөвәттә ақсу шәһиридә ечилған маска завутлири һәр күни 450 миң данә маска ишләпчиқиридиған болуп «маска еһтияҗини қандурмақта» дейилиду. Маска ишләпчиқиришидики бу хил зор көләм һәмдә юқумға қарши қамал қилиш тәдбирлириниң техи толуқ бикар қилинмиғанлиқи һәққидики әһвалларға асасән бәзиләр «нөвәттә ақсу тәвәсидики таҗсиман вируси юқуми һәққидә ашкариланмиған сирлар болуши мумкин» дегәнни алға сүрмәктикән.

Пикирләр (0)
Share
Толуқ бәт