Xitay ma'arip ministirliqi "Ottura, bashlan'ghuch mektepler derslikliridin maw zédung heqqidiki tékistler chiqiriwétilidu" dégen xewerning yalghanliqi heqqide bayanat bergen

Muxbirimiz qutlan
2015-12-21
Share

Xelq torining xewirige qarighanda, 18-dékabir küni xitay ma'arip ministirliqi "Ottura, bashlan'ghuch mektepler derslikliridin maw zédung qatarliqlar heqqidiki tékistler chiqiriwétilidu" dégen xewerning yalghanliqi heqqide bayanat bergen.

Xewerde déyilishiche, yéqindin buyan xitaydiki ammiwi tor betliri we ijtima'iy taratqularda "Ma'arip ministirliqi alaqidar kitablardin tallap élin'ghan maw zédung, lu shün, léy féng, xu'ang jigu'ang qatarliq shexslerge a'it tékistlerni ottura, bashlan'ghuch mekteplerning derslikidin pütünley chiqiriwétidiken" dégen xewer tarqalghan.

Xitay ma'arip ministirliqi bu heqte alahide bayanat élan qilip, yuqiriqi xewerning asassiz ikenlikini ilgiri sürgen.

Melum bolushiche, hazir xitaydiki ottura, bashlan'ghuch mekteplerning bir tutash til-edebiyat derslikide maw zédunggha munasiwetlik tékisttin 37 si؛ lu shünning esiridin 18i؛ langyashen téghidiki besh qehriman, léy féng, xu'ang jigu'ang, dung sünruy qatarliq xitay inqilabiy qehrimanliri teswirlen'gen tékisttin bir qanchisi bar iken.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.

Toluq bet