Қарақаш наһийәсидики 69 нуқтида мәбләғ башқурушқа назарәтчилик қилиш нуқтилири тәсис қилинған

Мухбиримиз әзиз
2021-12-29
Share

Йеқинқи мәзгилләрдә пүткүл хитай миқясида әвҗ алған “йезилардики коллектипқа тәвә мәбләғ, мал-мүлүк вә байлиқни дәриҗә бойичә назарәт қилиш” шамили уйғур дияридики һәрқайси наһийәләрдә кәң омумлашқан. Шу қатарда қарақаш наһийәсидики һәрқайси йезилар тәвәсидә йеза коллектипиға тәвә мәбләғ, мал-мүлүк вә байлиқни назарәт қилиш нуқтиси 69 җайда тәсис қилинған.

Хитай “мәркизий ревизийә комитети” ниң тор бетидә елан қилинған бу һәқтики хәвәрдә ейтилишичә, йезиларға аҗритилған түрлүк мәбләғ һәмдә коллектипқа мәнсуп байлиқлар йеқинқи мәзгилләрдә назарәтниң йетәрлик болмаслиқи түпәйлидин бир қисим йеза рәһбәрлириниң чөнтикигә чүшүп кәткән. Бу хил әһвални өзгәртиш үчүн пүтүн хитай тәвәсидә буни назарәт қилиш системиси бәрпа қилиш шамили чиққан. Уйғур аптоном районлуқ ревизийә комитетиму шу қатарда 29-декабир күни мушу хилдики мәбләғни ютувелиш яки өзиниң қиливелиш қилмишиға даир алтә делони елан қилған.

Мәлум болушичә, парихорлуқ пүткүл хитай тәвәсидики әмәлдарлар үчүн кәң омумлашқан пул тепиш вастилириниң бири икән. Әмма уйғур диярида лагер системиси башланғандин буян, йеза-игилик саһәсидә алдин бейиған нурғун уйғурлар лагерларға қамилип, уларниң бағ-варанлири, терилғу йәрлири вә башқа байлиқлири коллектип намиға өткүзивелинған иди. Әмдиликтә хитай һөкүмитиниң коллектипқа тәвә байлиқларни назарәт қилиш һәққидики хәвәрлири бу һәқтә ашкара болмиған көплигән һадисиләрниң мәвҗутлиқидин бишарәт бәрмәктә, дәп қаралмақта икән.

Пикирләр (0)

Барлиқ пикир - баянларни көрүш.

Пикир қошуң

Радиониң ишлитиш шәртлиригә асасән, пикирлириңиз тәкшүргүчиләр тәрипидин тәстиқлиниши вә мувапиқ дәриҗидә тәһрирлиниши түпәйли, тор бәттә дәрһал пәйда болмайду. Сиз қалдурған мәзмунға әркин асия радиоси җавабкар болмайду. Башқиларниң көз қариши вә һәқиқәткә һөрмәт қилишиңизни сораймиз.

Толуқ бәт