Ayaghbiz qebristanliqidin 1700 yilliq tarixqa ige nan qéziwélindi
2020.04.22
Yipek yolidiki qedimiy medeniyet merkezlirining biri bolghan xoten wilayitige qarashliq lop nahiyisi sampul yézisi ayaghbiz kentidiki bir qedimiy qebristanliqtin yéqinda xitay arxé'ologliri buningdin 1700 yil burunqi undin pishshiqlap ishlen'gen yémekliklerning qalduqni qéziwalghan.
“Soxu” torining bu heqtiki xewiride éytilishiche, bu qebridin qéziwélin'ghan nanlar shu jaydiki qebrilerning birige kömülgen yémeklik sanduqidin chiqqan. Nanning tériq bilen bughday unini arilashturup yéqilghanliqi texmin qiliniwatqan bolup, uning yumilaq sheklidin bashqa esli renggining qandaq ikenlikini bilgili bolmas derijide iken.
Melum bolushiche, buningdin ilgirimu sampul yézisidiki qedimiy qebrilerdin mushuninggha oxshap kétidighan her xil nanlar köplep tépilghan bolup, qedimki tarim wadisida yashighan Uyghur ejdadlirining medeniyet tarixining julasini eks ettürgen idi. 1980-Yillarda bolsa tarim wadisidiki bir qisim qedimiy qebrilerdin tépilghan momyalarning yil dewri xitay tarixining besh ming yilliq tarixidin éship ketkenliki üchün “Qayta tekshürülgen” we “Qaytidin békitilgen” idi.
Köp körülgen xewerler
RFA
- Uyghurlar “Jungxu'a milliti” emes, xitay éytimidiki “Anarning danisi” mu emes!
- Doktor erkin sidiq: “Pa'aliyitimiz arqiliq Uyghurlarning yoqap ketmigenlikini we yoqap ketmeydighanliqini ispatlaymiz!”
- Almutadiki Uyghur jama'iti 1-öktebir “Matem küni” de weten shéhitlirini yad etti
- Xitayning mustemlike ma'aripida yoq qiliniwatqan Uyghur tili
- Yaponiye we awstraliyede xitayning Uyghur élini bésiwalghanliqining 75 yilliqigha naraziliq bildürüldi