Uyghur alimi mehmud kashigherining yurti-opal yézisi sayahet nuqtisigha aylandurulghan

Muxbirimiz jewlan
2022-03-04
Share

“Xitay xewerliri tori” ning -mart küni chiqarghan xewiride qeshqer kona sheher nahiyesi opal baziri partkomning mu'awin sékritari süy jyushyuning bu bazarni qandaq qilip “Medeniyet baziri” gha aylandurghanliqi heqqidiki ish-izliri tonushturulghan.

Süy jyushyu 2014-yil shendungdiki aliy mektepni püttürüpla konasheherge kélip xizmet qilghan, opal bazirigha mes'ul bolup ishligendin kéyin bu jayni xitay medeniyiti we partiye siyasitini teshwiq qilidighan muhim jaygha aylandurghan. Bu töhpiliri bilen u xelq wekili süpitide béyjingda ötküzülüwatqan “Ikki yighin” gha qatnashqan we muxbirlargha opal “Medeniyet baziri” ni tonushturghan hemde opaldiki xelqni maddiy jehettin bay qilipla qalmay, meniwi jehettinmu ozuqlandurush kéreklikini éytqan.

Tehlilchilerning bildürüshiche, opal baziri qeshqer shehirige bir yérim sa'etlik yol bolup, pamir taghlirigha sayahetke barmaqchi bolghanlar mushu yoldin ötidu. Eng muhimi opal yézisi Uyghur alimi mehmud kashigherining tughulghan yurti we meqberisi jaylashqan makandur. Xitay sékritarining opal bazirini “Medeniyet baziri” qilip qurup chiqishi Uyghur medeniyitini öz jayida kömüp tashlash, Uyghurlarning muhim ziyaretgahlirini étibarsizlashturush we untuldurush üchün iken. Hetta uning medeniyet-sayahet pa'aliyitige a'it orunning süritide birmu Uyghurche xet körülmigen.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.

Toluq bet