En'gliyening dangliq könglek shirkiti Uyghur éli bilen bolghan soda toxtamlirini bikar qilghan

Muxbirimiz erkin
2021-01-04
Share

En'gliyening dangliq könglek ishlepchiqirish shirkiti "Charlis térwit" (Charles Tyrwhitt), xéridarlirining shikayiti seweblik xitayda könglek ishlepchiqirishni azaytqan shuningdek Uyghur élidiki paxta teminat zenjirliri bilen bolghan soda toxtamini bikar qilghan. "Charlis térwit" ning qurghuchisi nik wéllérning 3-yanwar küni en'gliye "Kündilik pochta" gézitige bildürüshiche, shirket "Xéridarlarning arzusigha inkas qayturghan". U yene shirketning "Shinjangdiki paxta teminligüchiler bilen bolghan soda toxtamini axirlashturghanliqi" ni bildürgen.

Uning tekitlishiche, nurghun xéridarlar charlis térwitning "Xitayda könglek ishlepchiqirishini xalimaydighanliqi, xitay hökümiti yaqturmaydighanliqi" ni éytqan. Nik wéllér, xitayda kiyim-kéchek ishlepchiqirish miqdarini azaytish bilen birge, ötken yili 7-aydin bashlap "Shinjangdiki paxta teminat zenjirliri bilen bolghan toxtamlirini bikar qilghanliqi" ni bildürüp, "Xitayning ishlepchiqirish saheside mejburiy emgekni ishlitidighanlar bar. Biz qilalaydighan herqandaq ishtin yiraq turduq" dégen.

Lékin nik wéllér özlirining ilgiri Uyghur élidiki qaysi paxta teminligüchi shirketler bilen hemkarlashqanliqini tilgha almighan. Charlis térwitning bu qarari amérika tamozhna-chégra qoghdash idarisi bingtu'ende ishlepchiqirilghan paxta mehsulatlirining amérikigha import qilinishini birdek chekligendin kéyin élan qilindi. Amérika tamozhna qoghdash idarisining qarar ötken yili 12-ayda élan qilin'ghan. "Kündilik pochta" gézitining bildürüshiche, charlis térwit Uyghur mejburiy emgiki seweblik xitaydiki ishlepchiqirishini azaytqan onlighan xelq'ara karxanilarning biri iken.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.

Toluq bet