Даириләр уйғур мәҗбурий әмгикини йәниму чоңқурлаштуридиған “8 чоң ишләпчиқириш топи” ни күчәйтидикән

Уйғур аптоном районлуқ даириләр йеқинда ачқан бир хизмәт йиғинида уйғур мәҗбурий әмгикигә четишлиқ болған саһәләрниму өз ичигә алған “сәккиз чоң кәсий ишләпчиқириш топи” ни тәрәққий қилдуридиғанлиқини билдүргән.

“тәңритағ” ториниң хәвиригә қариғанда, бу йил уйғур районда нефит ـ тәбиий газ байлиқини чарлаш вә ечиш; олефин, арен кәсип зәнҗирини йетилдүрүш; юқири дәриҗилик поли олефин, қурулуш пиластик материяли, юқири иқтидарлиқ тала қатарлиқ мәһсулатларни зор күч билән тәрәққий қилдуруш; нефит ـ тәбиий газ ишләпчиқириш, пишшиқлаш түрлирини зорайтиш; шуниң билән биллә, көмүр, көмүр електир, көмүр химийә санаити кәспи, пахта вә тоқумичилиқ, кийим ـ кечәк кәсипләр топи, ашлиқ, мивә-чивә ишләпчиқириш қатарлиқ “8 чоң кәспий ишләпчиқириш топи” ни зор күч билән кеңәйтилидикән.

Хитайда омумйүзлүк йолға қоюлған интайин қаттиқ ковид юқуми тәдбирлири түпәйлидин хитайда иқтисад қаттиқ чекингәндин кейин, уйғур аптоном районлуқ даирилә арқа-арқидин йиғин ечип уйғур елини хитайни тәминләйдиған ениргийә, ашлиқ, мевә-чевә базиси, қой-кала бақмичилиқи базиси қилиш дегәнләрни һәдәп тәкитлимәктә икән.

Юқирида тилға елинған “8 чоң кәсий ишләпчиқириш топи” ниң мутләқ көп қисминиң уйғур мәҗбурий әмгикигә четишлиқ болған пахта вә пахта боюмлири, тоқумчилиқ, шундақла йәнә америкаға кириши чәкләнгән күнтахта ясашта қоллинилидиған металлар билән мунасивәтлик болуши, диққәт қозғимақта.

Бундин срит йәнә, уйғур елидики көмүр санаитиниң раваҗландурулушиму уйғур елиниң муһит булғинишини йәниму илгири сүридиғанлиқи мөлчәрләнмәктә.