Da'iriler Uyghur mejburiy emgikini yenimu chongqurlashturidighan “8 Chong ishlepchiqirish topi” ni kücheytidiken

Uyghur aptonom rayonluq da'iriler yéqinda achqan bir xizmet yighinida Uyghur mejburiy emgikige chétishliq bolghan sahelernimu öz ichige alghan “Sekkiz chong kesiy ishlepchiqirish topi” ni tereqqiy qilduridighanliqini bildürgen.

“Tengritagh” torining xewirige qarighanda, bu yil Uyghur rayonda néfit ـ tebi'iy gaz bayliqini charlash we échish؛ oléfin, arén kesip zenjirini yétildürüsh؛ yuqiri derijilik poli oléfin, qurulush pilastik matériyali, yuqiri iqtidarliq tala qatarliq mehsulatlarni zor küch bilen tereqqiy qildurush؛ néfit ـ tebi'iy gaz ishlepchiqirish, pishshiqlash türlirini zoraytish؛ shuning bilen bille, kömür, kömür éléktir, kömür ximiye sana'iti kespi, paxta we toqumichiliq, kiyim ـ kéchek kesipler topi, ashliq, miwe-chiwe ishlepchiqirish qatarliq “8 Chong kespiy ishlepchiqirish topi” ni zor küch bilen kéngeytilidiken.

Xitayda omumyüzlük yolgha qoyulghan intayin qattiq kowid yuqumi tedbirliri tüpeylidin xitayda iqtisad qattiq chékin'gendin kéyin, Uyghur aptonom rayonluq da'irile arqa-arqidin yighin échip Uyghur élini xitayni teminleydighan énirgiye, ashliq, méwe-chéwe bazisi, qoy-kala baqmichiliqi bazisi qilish dégenlerni hedep tekitlimekte iken.

Yuqirida tilgha élin'ghan “8 Chong kesiy ishlepchiqirish topi” ning mutleq köp qismining Uyghur mejburiy emgikige chétishliq bolghan paxta we paxta boyumliri, toqumchiliq, shundaqla yene amérikagha kirishi cheklen'gen küntaxta yasashta qollinilidighan métallar bilen munasiwetlik bolushi, diqqet qozghimaqta.

Bundin srit yene, Uyghur élidiki kömür sana'itining rawajlandurulushimu Uyghur élining muhit bulghinishini yenimu ilgiri süridighanliqi mölcherlenmekte.