Уйғур мәҗбурий әмгикини ахирлаштуруш бирләшмиси: “уйғур районида тиҗарити бар чәтәл ширкәтлири у райондин айрилиши керәк”

Вашингтондин мухбиримиз уйғар тәйярлиди
2024.03.06

“уйғур мәҗбурий әмгикини ахирлаштуруш бирләшмиси” йеқинда елан қилған бир хәвәргә асасланғанда, мәзкур бирләшмә уйғур елидә тиҗарити бар чәтәл ширкәтлири вә карханиларни уйғур районидин чекинишкә, хитай дөлити қоллаватқан мәҗбурий әмгәк вә инсанийәткә қарши җинайәткә шерик болушни түгитишкә чақирған.

Хәвәрдә мундақ дейилгән: “б д т кишилик һоқуқ мутәхәссислириниң баянатиға қариғанда, хитай һөкүмитиниң уйғур вә башқа түрки хәлқләрни бастурушлири кәң көләмдә адәм тутуш вә уларни түркүмләп мәҗбурий әмгәккә селишни өз ичигә алиду. Уйғур елидә тиҗарити бар чәтәл ширкәтлири вә карханиларниң уйғур районидин чекиниши уйғур мәҗбурий әмгикигә көрүнәрлик зәрбә бериду вә һелиһәм йүз бериватқан инсанийәткә қарши җинайәтләрни ахирлаштурушта муһим рол ойнайду”.

Кишилик һоқуқни көзитиш тәшкилатиниң тәкшүрүшигә қариғанда, чәтәлниң хитай билән шерикләшкән ширкәт вә карханилири дуняниң башқа җайлиридики тиҗаритигә қариғанда кишилик һоқуқ өлчимигә бәк риайә қилип кәтмигән.

Хәвәрдә ейтилишичә, америка башчилиқидики ғәрб дуняси билән хитай оттурисидики сүркилишниң күчийишигә әгишип, уйғур мәҗбурий әмгикиниң барғансери җиддий мәсилигә айланғанлиқи, шуниң билән бир вақитта униң четилиш даирисиниң бәкму кәң икәнлики мәлум болмақта икән.

Пикир қошуң

Радиониң ишлитиш шәртлиригә асасән, пикирлириңиз тәкшүргүчиләр тәрипидин тәстиқлиниши вә мувапиқ дәриҗидә тәһрирлиниши түпәйли, тор бәттә дәрһал пәйда болмайду. Сиз қалдурған мәзмунға әркин асия радиоси җавабкар болмайду. Башқиларниң көз қариши вә һәқиқәткә һөрмәт қилишиңизни сораймиз.