Хитай һөкүмити уйғурларни мәҗбурий әмгәккә селиватқанлиқини йәнә инкар қилди

Мухбиримиз әркин
2021.04.30

Хитай һөкүмити уйғурларниң кәң көләмлик мәҗбурий әмгәккә селиниватқанлиқиға а‍ит ишәнчилик вә йетәрлик пакитларға қаримай, мәҗбурий әмгәкниң мәвҗутлиқини давамлиқ инкар қилмақта. Уйғур аптоном районлуқ һөкүмәт 30-април хитай ташқий ишлар министирлиқида йәнә ахбарат йиғини ‍өткүзүп, уйғурларни мәҗбурий әмгәккә селиватқанлиқин рәт қилған.

Уйғур аптоном районлиқ һөкүмәтниң баянатчиси шү гуйшяңниң ‍илгири сүришичә, “шинҗаң хәлқара әмгәк тәшкилатиниң низамнамисиға изчил әмәл қилмақта” икән. Хәлқара әмгәк тәшкилатиниң билдүрүшичә, хитай һазирға қәдәр бу тәшкилатниң һалқилиқ келишимлиригә имза қоймиған.

30-Април өткүзүлгән йиғинда уйғур аптоном районлиқ кийим-кечәк игилики җәмийитиниң муавин башлиқи обулһәсән обулқасим вә алидә турәхмәт исимлик ғулҗадики бир кийим-кечәк карханисиниң ишчисини гуваһлиқ бәргүзгән. Алидә турәхмәт: “шинҗаңдики һәр милләт хәлқи хизмәт таллашта әркин. Қәйәргә берип, қандақ хизмәт қилишни ө ихтиярлиқи билән таллайду,” дегән.

Хитай һөкүмити мәҗбурий әмгәкниң мәвҗутлиқини инкар қилсиму, бирақ у хәлқара әмгәк назарәт қилиш тәшкилатлириниң тәкшүрүш елип беришини рәт қилип кәлди. 30-Априлдики ахбарат йиғини уйғур елида ишләпчиқирилған мәһсулатларни байқут қилған ширкәтләр техиму көпийиватқан мәзгилдә өткүзүлгән. японийә таратқулириниң ейтишичә, нөвәттә техиму көп японийә шеркити уйғур мәҗбурий әмгики сәвәблик хитай ширкәтлирини байқут қилишни пиланлимақта ‍икән.

Пикир қошуң

Радиониң ишлитиш шәртлиригә асасән, пикирлириңиз тәкшүргүчиләр тәрипидин тәстиқлиниши вә мувапиқ дәриҗидә тәһрирлиниши түпәйли, тор бәттә дәрһал пәйда болмайду. Сиз қалдурған мәзмунға әркин асия радиоси җавабкар болмайду. Башқиларниң көз қариши вә һәқиқәткә һөрмәт қилишиңизни сораймиз.