Америка вә явропа иттипақиниң ташқий ишлар һәмдә сода министирлириниң йиғинида уйғур мәҗбурий әмгәк мәсилиси музакирә қилған

Мухбиримиз әркин
2022-05-16
Share

Америка билән явропа иттипақи ташқий ишлар вә сода министирлириниң 15-май йәкшәнбә күни франсийә пайтәхти парижда өткүзүлгән йиғинида уйғур мәҗбурий әмгикигә қандақ хатимә беришниң йоллирини музакирә қилинған.

Хоңкоңда чиқидиған “җәнубий хитай әтиәәнлик почтиси” гезитиниң хәвәр қилишичә, икки тәрәпниң 16-май дүшәнбә күни елан қилинидиған қошма баянатидиму “мәҗбурий әмгәкни түгитиш”, шундақла технологийәниң кишилик һоқуқни дәпсәндә қилиш вә сүйиистимал қилишта, һәр хил шәкилдики бастуруш һәмдә дөләтләрниң бихәтәрликигә бузғунчилиқ қилишта илитилитилишигә қарши туруш тилға елинған икән.

Америка-явропа иттипақи сода вә технологийә кеңишиниң 2-нөвәтлик бу йиғиниға америка ташқий ишлар министири блинкен, сода министири гина раймондо, америка сода вәкили катерин тай, явропа иттипақи сода комиссари валдис домбровискис, явропа иттипақиниң риқабәт вә дигиталға мәсул комиссари маргрете вестагер, франсия ташқий ишлар министери ле дериян қатарлиқ кишиләр қатнашқан. “җәнубий хитай әтигәнлик почтиси” ниң ейтишичә, явропа иттипақиниң сода комиссари валдис домбровискис сөһбәттин кейин мухбирларға иттипақдашларниң “баянлардики хитайниң шинҗаң өлкисидә кәң омумлишип, чоң әндишигә айланған мәҗбурий әмгәкни чәкләшниң әң яхши йолиниң немиләр икәнлики тоғрисида кәң-кушадә музакирә елип бариду,” дегән.

Явропа иттипақи өткән йили 9-айда уйғур мәҗбурий әмгәк мәһсулатлирини чәкләш пиланини оттуриға қойған болсиму, бирақ бу һазирға қәдәр әмәлгә ашмиған. Америка ташқий ишлар министирлиқи йеқинда дөләт мәҗлисигә сунған доклатида, американиң “барлиқ һоқуқи вә байлиқ мәнбәсини ишлитип”, уйғур мәҗбурий әмгәк мәһсулатлирини чәкләйдиғанлиқини ейтқан иди.

Пикирләр (0)

Барлиқ пикир - баянларни көрүш.

Пикир қошуң

Радиониң ишлитиш шәртлиригә асасән, пикирлириңиз тәкшүргүчиләр тәрипидин тәстиқлиниши вә мувапиқ дәриҗидә тәһрирлиниши түпәйли, тор бәттә дәрһал пәйда болмайду. Сиз қалдурған мәзмунға әркин асия радиоси җавабкар болмайду. Башқиларниң көз қариши вә һәқиқәткә һөрмәт қилишиңизни сораймиз.

Толуқ бәт