Америка палата әзалири “уйғур мәҗбурий әмгикиниң алдини елиш қануни” ни иҗра қилишқа мәбләғни көпәйтишни тәләп қилди

Мухбиримиз әркин
2022.05.23
Share on WhatsApp
Share on WhatsApp

Америка дөләт мәҗлиси хитай ишлири комитетиниң қош рәислиридин кеңәш палата әзаси җеф мерклей билән авам палата әзаси җеймис мекговерн, келәр айниң 21-күнидин башлап рәсмий күчкә игә болидиған “уйғур мәҗбурий әмгикиниң алдини елиш қануни” ниң ‍иҗра қилинишиға селинмини көпәйтип беришни тәләп қилған. Җеф мерклей билән җеймис мекговерн 23-май күни өзлириниң авам палатаси вәтән бихәтәрлик төвән комитети билән кеңәш палатаси хам чот комитетиниң мәсуллириға язған бу һәқтики хетини елан қилған.

Хәттә, америка чегра қоғдаш вә таможна идарисиниң “уйғур мәҗбурий әмгикиниң алдини елиш қануни” дики чәклимиләрни қаттиқ иҗра қилиши үчүн униңға селинмини көпәйтип беришниң муһимлиқи әскәртилип, “бу қанунниң иҗра қилиниши американиң ирқий қирғинчилиққа иқтисади ярдәм бериш һәрикәтлирини бир тәрәп қилиш, америка истималчилирини қоғдаш, кишилик һоқуқни мудапиә қилиш вәдиси тоғрисида күчлүк сигнал бериду” дейилгән. Америка чегра қоғдаш вә таможна идариси 2020-йилдин бери уйғур елидә ишләпчиқирилған мәҗбурий әмгәк мәһсулатлирини таможнида тутуп қалсиму, бирақ радийомиз йеқинда бу хил мәһсулатларниң васитилиқ һалда америка базириға кириватқанлиқи, буниң ичидә чач мәһсулатлириниңму барлиқини хәвәр қилған.

Дөләт мәҗлиси илгири бу қанунниң иҗра қилинишиға қошумчә 27 милйон доллар аҗратқаниди. Лекин палата әзалири америка чегра қоғдаш вә таможна идариси тәләп қилған 70 милйон 309 миң доллар пулни толуқ беришни қоллайдиғанлиқини билдүргән. Хәттә: “биз ш у а р да, шундақла хитайниң башқа җайлирида мәҗбурий әмгәк күчи йөткәш арқилиқ кәң көләмдә мәҗбурий әмгәккә селишниң қорқунчлуқ дәлил-испатлири түпәйли ‛уйғур мәҗбурий әмгикиниң алдини елиш қануни‚ға йетәкчилик қилдуқ. Бизниң нийитимиз, америка истемалчилириниң ойлимиған йәрдин қуллуқни қоллашқа шерик болуп қалмаслиқидур” дейилгән. Мәлум болушичә бу хәткә кеңәш палата әзаси марко рубио билән авам палата әзаси кристофер симисму имза қойған.

Пикир қошуң

Радиониң ишлитиш шәртлиригә асасән, пикирлириңиз тәкшүргүчиләр тәрипидин тәстиқлиниши вә мувапиқ дәриҗидә тәһрирлиниши түпәйли, тор бәттә дәрһал пәйда болмайду. Сиз қалдурған мәзмунға әркин асия радиоси җавабкар болмайду. Башқиларниң көз қариши вә һәқиқәткә һөрмәт қилишиңизни сораймиз.

Толуқ бәт