Amérikagha import qilin'ghan PVC pol taxtiyining Uyghur mejburiy emgikige chétishliq ikenliki ashkarilan'ghan

Muxbirimiz erkin
2022.06.17
Share on WhatsApp
Share on WhatsApp

En'gliyediki shéféld hallam uniwérsitétining hélinna kidiniy merkizi yéqinda bir tekshürüsh doklati élan qilip, amérikadiki chong tipliq qurulush matériyalliri dukanlirida sétilidighan köp qétishmiliq poliwaynal, yeni PVC plastik mehsulatlirining Uyghur mejburiy emgikige chétishliq ikenlikini delilligen. Bu merkezning “Basturush üstige yasalghan qurulush” namliq tekshürüsh doklatida éytilishiche, Uyghur rayoni yéqinqi yillarda dunyadiki PVC plastik matériyallirini ishlepchiqiridighan eng chong rayon'gha aylinip, dunyadiki PVC plastik mehsulatlirining 10 pirsentini teshkil qilghan.

Lékin doklatta, rayondiki barliq PVC mehsulatlirini ishlepchiqiridighan karxanilarning hemmisi hökümetning Uyghur emgek küchlirini yötkesh programmisigha aktip ishtirak qilip kelgenliki, bu shirketlerning mehsulatlirini 73 wasitichi karxanigha éksport qilidighanliqi, ‍ularning PVC asasida ishlepchiqarghan mehsulatlirini dunyadiki kem dégende 158 shirketke éksport qilidighanliqi bildürülgen. Doklatta éytilishiche, Uyghur rayonidiki mejburiy emgekke chétishliq bu karxanilarning ichide xitayning dölet igilikidiki “Shinjang jongtey ximiye shirkiti” bilen “Shinjang tyenyé shirkiti” öy mehsulatliri ishlepchiqiridighan karxanilar iken.

Doklatta, “Shinjang jongtey ximiye shirkiti” ning mehsulatlirini wiyétnamdiki bir karxanigha éksport qilip, u yerde pishshiqlap ishlen'gen plastik qurulush matériyallirini amérikagha éksport qilidighanliqi, bu mehsulatlarni amérikadiki chong tipliq qurulush matériyalliri dukanliri sétiliwatqanliqi'i bildürülgen. Doklatta éytilishiche, tetqiqatchilar “Shinjang jongtey shirkiti” ning hökümetning Uyghur emgek küchlirini yötkesh programmisigha aktip qatnashqanliqigha a'it delillerni bayqighanliqi, bu shirketning mezkur mejburiy emgek programmisi da'iriside 5500 din artuq Uyghurni özining zawutlirida ishletkenliki, jongtey shirkitining Uyghurlarni mejburiy emgekke sélipla qalmay, muhitnimu bulghawatqanliqi tekitlen'gen.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.