Awstraliye kéngesh palatasining komitéti Uyghur mejburiy emgek mehsulatlirini chekleshni telep qilghan

Muxbirimiz erkin
2021-06-18
Share

Awstraliye parlaménti kéngesh palatasining tashqiy ishlar, dölet mudapiye we soda komitéti awstraliye hökümitidin Uyghur mejburiy ‍emgek mehsulatlirini chekleshni tewsiye qilghan. "Sidnéy etigenlik xewerchisi" gézitining bildürüshiche, bu heqtiki yéngi qanun layihesi her qaysi partiye-guruhlarning birdek qollishigha érishken.

Xewerde kéngesh palatasining tewsiyesi hökümetning mejburiy emgek mehsulatlirini ‍import qilishqa qarshi tedbir élishigha bésim peyda qilidighanliqi, tewsiyege asasen wiktoriye shtatining xitaydin Uyghur mejburi emgikige chétishliq poyiz zapchslirini sétiwélish sodisiningmu tekshürülüshi mumkinliki tekitlen'gen.

Xewerde éytilishiche, komitét adette Uyghurlar teripidin ishlepchiqirilidighan "Shnjang paxtisi" cheklesh tizimlikining ‍aldinqi qataridin orun élishi kérek, dep körsetken. Komitét yene "Xitay diktaturliqi teripidin Uyghurlar duchar bolghan dölet hamiyliqidiki mejburiy emgek éghir kishilik hoquq depsendichilikidur," dep körsetken. Uningda yene "Hökümetning tedbir qollinip awstraliye karxaniliri we istémalchilirining bu xil qorqunuchluq xorlashqa shérik bolup qalmasliqigha kapaletlik qilish mejburiyiti bar," dep tekitligen.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.

Toluq bet