Хитай мәҗбурий әмгәккә селиватқан уйғур ишчилирини б д т да сөзлитип, мәҗбури әмгәкни рәт қилған

Мухбиримиз әркин
2021-07-01
Share

Хитай һөкүмити б д т да уйғур мәҗбурий әмгәк күчлириниң сөзлитиш арқилиқ ‍өзлириниң уйғурларни мәҗбурий әмгәккә салғанлиқини рәт қилишқа урунған. Хитай даирилири 29-июн күни хитайниң җяңши өлкисидә ишләватқан ақтулиқ бир уйғур ‍ишчини тор арқилиқ б д т кишилик һоқуқ кеңишиниң йиғинида сөзлитип, униң еғизи арқилиқ "уйғур ишчилириниң диний етиқадини өз ичигә алған һәр хил һәқ-һоқуқлириға һөрмәт қилип келиватқанлиқи" ни илгири сүргән.

Хитай һөкүмити уйғурларға "ирқий қирғинчилиқ" қилғанлиқи, мәҗбури әмгәккә салғанлиқини рәт қилип, уларниң һәқ-һоқуқлирини қоғдаватқанлиқини илгири сүрсиму, бирақ хитай б д т ниң шәртсиз тәкшүрүш елип бериш тәләплирини ‍изчил рәт қилип кәлгән.

У бу қетим ‍өзини ‍ақлашта 2017-йилдин бери хитайниң җяңши өлкиси нәнчаң шәһридики бир завутта ишләватқан ақтулиқ ишчи йүсүпҗан ясинни қолланған.

Даириләр йүсүпҗан ясинни 29-июн б д т кишилик һоқуқ кеңишиниң 47-нөвәтлик йиғинида сөзләткән. У ‍өзиниң янфон қураштуруш сехида ишләйдиғанлиқи, һәр хил қануний һоқуқлириниң қоғдиливатқанлиқи, ширкәтниң бикарлиқ ятақ билән тәминләйдиғанлиқи, шараитиниң толуқ ‍икәнлики, һәр айда 4500 сомдин 5500 сомғичә муаш алидиғанлиқи, иштин чүшкәндин кейин вә һәптә ахирида дәм ‍алидиғанлиқи, завутта мусулманчә тамақ йейәлйдиғанлиқини, мусулманларниң мәсчиткә берип намаз оқуса болидиғанлиқини илгири сүргән. Бирақ кишилик һоқуқ тәшкилатлириниң билдүрүшичә, даириләр уйғур әмгәк күчлирини һәрбий түзүм билән башқуридиған болуп, уларниң һечқандақ әркилики йоқ ‍икән.

Бирақ тәнқидчиләр хитайни уйғурларниң әркинликини тартивелип, уларни һәрбий назарәт астида мәҗбурий әмгәккә селиш, җаза лагерлирида қийнаш билән әйибләп кәлмәктә. ‍Американиң б д т да турушлуқ сабиқ баш әлчиси никкей һейлей 1-июн күни сигналда учур йоллап: "җаза лагерлириға қамалған вә қийин-қистаққа учраватқан бир милйон уйғурни унтуп қалмаслиқимиз керәк," дегән.

Пикирләр (0)

Барлиқ пикир - баянларни көрүш.

Пикир қошуң

Радиониң ишлитиш шәртлиригә асасән, пикирлириңиз тәкшүргүчиләр тәрипидин тәстиқлиниши вә мувапиқ дәриҗидә тәһрирлиниши түпәйли, тор бәттә дәрһал пәйда болмайду. Сиз қалдурған мәзмунға әркин асия радиоси җавабкар болмайду. Башқиларниң көз қариши вә һәқиқәткә һөрмәт қилишиңизни сораймиз.

Толуқ бәт