Явропа иттипақи мәҗбурий әмгәкни чәкләшкә даир низамнамә елан қилди

2021-07-13
Share

Явропа иттипақи 13-июл мәхсус низамнамә елан қилип, явропа иттипақиға әза дөләтләрниң ташқи сода ишлиридики тәминат зәнҗириниң мәҗбурий әмгәккә четилмаслиқида бир муһим қәдәм алди.

Явропа иттипақиниң тор бетидә елан қилинған мәзкур низамнамидә көрситилишичә, һәрқайси дөләтләр импорт ишлириға даир барлиқ тәминат зәнҗириниң хәлқаралиқ өлчәмләргә мас һалда һәрқандақ шәкилдики мәҗбурий әмгәктин хали болушиға кепиллик қилиши лазим икән. Бу низамнамә һәрқайси ширкәтләрни мәҗбурий әмгәккә даир тәминат зәнҗиридин сақлиништа үнүмлүк көрсәткүч билән тәмин етидикән.

Явропа иттипақи сода комитетиниң рәиси валдис домбровиски бу һәқтә сөз қилип "дуняда мәҗбурий әмгәккә сорун йоқ. Бу саһәдики һәқләр дәпсәндичиликини әң төвән чәккә чүшүрүш үчүн мушу низамнамини елан қилдуқ" дегән.

Гәрчә мәзкур низамнамидә мәҗбурий әмгәкниң қәйәрдә қоллиниливатқанлиқи ейтилмиған болсиму, йеқинқи мәзгилләрдә хитай һөкүмитиниң уйғур диярида зор көләмлик мәҗбурий әмгәк системиси бәрпа қилип чиққанлиқи мәлум болған иди. Шуңа бәзиләр бу йеңи низамнаминиң асаслиқи хитай һөкүмитигә қарита тәдбиқлинидиғанлиқини алға сүрмәктикән.

Пикирләр (0)

Барлиқ пикир - баянларни көрүш.

Пикир қошуң

Радиониң ишлитиш шәртлиригә асасән, пикирлириңиз тәкшүргүчиләр тәрипидин тәстиқлиниши вә мувапиқ дәриҗидә тәһрирлиниши түпәйли, тор бәттә дәрһал пәйда болмайду. Сиз қалдурған мәзмунға әркин асия радиоси җавабкар болмайду. Башқиларниң көз қариши вә һәқиқәткә һөрмәт қилишиңизни сораймиз.

Толуқ бәт