Xitay da'iriliri Uyghurlarni xénendiki kelkün apitige yardem bérishke dawamliq mejburiy seperwer qilmaqta

2021-07-26
Share

Uyghurlargha "Irqiy qirghinchiliq" qilish, milyonlighan Uyghurni lagérlargha qamash we mejburiy emgek sélish bilen eyiblinip kéliwatqan xitay da'irilirining Uyghurlarni xénendiki kelkün apitige yardem bérishke dawamliq seperwer qiliwatqanliqi melum boldi. Qumul shehiri ötken hepte xénen'ge bir milyon nan yardem qilidighanliqini élan qilip, "Qumul temlik nan tereqqiyat cheklik shirkiti" namliq nawaychiliq karxanisidiki Uyghur ishchilirini kéchilep isménada ishleshke seperwer qilghanidi.

Nöwette Uyghurlarni nishan qilghan "Qérindashliq méhri" ni yetküzüsh namidiki bu seperwerlikning pütün Uyghur rayonida qanat yayduruluwatqanliqi melum boldi. "Shinxu'a xewerliri" torining ashkarilishiche, nöwette da'iriler peyziwat nahiyesining misha yézisigha qarashliq chilaq kentidiki ahalilerni kéchilep nan yéqip xénen'ge yardem qilishi herikitige seperwer qilghan. Xewerde 5 ming nan basqan tunji türkümdiki bir yük aptomobilining 24-iyul küni xénen'ge qarap yürüp ketkenlikini bildürgen.

Melum bolushiche, bu nanlarni mezkur kenttiki ahaliler kéchilep teyyarlighan bolup, bu seperwerlikni mezkur kentke chüshken xizmet etriti uyushturghaniken. Xitay da'irilirining 2017-yilidiki chong tutqunda burun i'ane bergen yaki i'ane toplap xeyri-saxawet ishliri bilen shughullan'ghan Uyghurlarni tutqun qilip, lagérlargha qamishi yaki qamaq jazalirigha höküm qilishi, emdi bolsa Uyghurlarni xénendiki apetke mejburiy seperwer qilishi diqqet qozghidi.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.

Toluq bet