«Уйғурлардики мәҗбурий әмгәкни чәкләш қануни» авам палатасида мақулланди

Мухбиримиз әзиз
2020-09-22
Елхәт
Пикир
Share
Принт

Уйғур дияридики мәҗбурий әмгәк мәсилиси йеқиндин буян америка һөкүмитиниң күчлүк тәнқидигә учрап кәлгәниди. 22-Сентәбир күни чүштин кейин америка дөләт мәҗлисидә музакирә қилиниватқан «уйғурларики мәҗбурий әмгәкни чәкләш қанун лайиһәси» америка авам палатасида 3 кә қарши 406 аваз билән мақулланди.

Мәзкур қанун лайиһиси кеңәш палатасидинму мақуллинип рәсмий қанунға айланса хитайниң америкаға експорт қилидиған һәрқандақ мәһсулати мәҗбурий әмгәккә четишлиқ әмәсликини испатлап бәргүчи йетәрлик дәлил-спатлар болмиған әһвалда америка таможнисида мусадирә қилинидикән.

Дуня уйғур қурултийиниң рәиси долқун әйса буниң уйғур давасидики бир муһим ғәлибә икәнликини тәкитләш билән биргә мәзкур қанун лайиһәсиниңму кейинки басқучлардин оңушлуқ өтүп кетишигә зор ишәнчи барлиқини, бу қанун лайиһәсиниң хитай һөкүмити иҗра қиливатқан «уйғурларни заманиви қулларға айландуруш» һәрикитини чәкләштә иҗабий рол ойнайдиғанлиқини билдүрди.

Вашингтон шәһиридики уйғур кишилик һоқуқ қурулуши тәшкилати бу мунасивәт билән америка авам палатасиниң бу һәққаний һәрикити үчүн өзлириниң тәшәккүрини ипадилиди. Мәзкур тәшкилатниң директори өмәр қанат бу һәқә сөз қилип «бу хәвәр дунядики уйғурлар үчүн бир зор хушхәвәр болғуси» деди. Мәзкур қанун лайиһәсини авазға қоюш ишиға йеқиндин тиришчанлиқ көрситиватқан америка дөләт мәҗлиси әзаси кристофер симис әпәнди бу һәқтә тохтилип: «нөвәттики ишлар шүбһисизки ши җинпиң иҗра қиливатқан бирмәйдан қирғинчилиқтур» деди.

Буниңдин илгири «уйғур кишилик һоқуқ сиясити қануни» америка авам вә кеңәш палаталириниң мутләқ үстүн аваз билән мақуллиши һәмдә америка президенти доналд трампниң имза қоюши билән америка һөкүмити елан қилған уйғурлар һәққидики тунҗи қанун болуп қалғаниди. Навада

«Уйғурлардики мәҗбурий әмгәкни чәкләш қанун лайиһәси» му оңушлуқ һалда рәсмий қанунға айланса америка һөкүмити елан қилған бу һәқтики иккинчи қанун болуп қалидикән.

Пикирләр (0)
Share
Толуқ бәт