Явропа иттипақиниң уйғур мәҗбурий әмгәк мәһсулатлирини чәкләш мәсилиси қизиқ нуқтиға айланған

Мухбиримиз әркин
2021-10-20
Share

Явропа иттипақиниң уйғур мәҗбурий әмгәк мәһсулатлирини чәкләш мәсилиси қизиқ нуқтиға айлинип, ‍ички ‍ихитилап пәйда қилған. "политико" ториниң хәвәр қилишичә, явропа парламенти әзалири вә кишилик һоқуқ паалийәтчилири уйғур мәҗбурий әмгәк мәһсулатлирини омумйүзлүк чәкләшни тәләп қиливатқан болсиму, лекин бирюсселниң бу йолни таллаш-таллимаслиқи техи ениқ әмәскән. явропа комиссийәсиниң президенти урсула фон дер лейен өткән ай мәҗбурий әмгәк мәһсулатлирини чәкләшкә вәдә бәргән болуп, униң сөзи хитайниң уйғур мәҗбурий әмгәк мәһсулатлириға қаритилған, дәп қаралған.

Бирақ "политико" ниң ейтишичә, явропа комиссийәсиниң алақидар бөлүмлири болупму сода әмәлдарлири бу мәсилини қол көйдүридиған бир нәрсидәк ташлап қойғандәк қилған. Хәвәрдә, һазирқи негизлик мәсилә явропа иттипақиниң сода чәклимиси қоюш-қоймаслиқида қалғанлиқи билдүрүлгән. Хәвәрдә ейтилишичә, әгәр явропа иттипақи сода чәклимиси қойса, униң қәдими уйғур елидә ишләпчиқирилған мәһсулатларға аллиқачан чәклимә қойған америка билән маслишидикән.

Явропа парламент әзаси, франсийәлик сиясеон рафаел глукесман, уйғур мәҗбурий әмгәк мәһсулатлирини қанун чиқирип чәкләш тәрәпдарлириниң бири болуп, у "әстайидиллиқ ширкәтләргә мәркәзлишидиғанлиқи, чәкләш мәһсулатларға мәркәзлишидиғанлиқи", "буниң сода қануни сүпитидә иҗра қилиниши" ни, буниңға сода комиссариниң йетәкчилик қилиши вә тез һәрикәт қилиши керәкликини ейтқан. явропа комиссийәси баянатчисиниң ейтишичә, президент урсула фон дер лейен мәҗбурий әмгәк мәһсулатлириниң қәйәрдә ишләп чиқирилса чиқирилсун, явропа иттипақи базириға киришни чәкләшни ениқ оттуриға қойғаникән.

Пикирләр (0)

Барлиқ пикир - баянларни көрүш.

Пикир қошуң

Радиониң ишлитиш шәртлиригә асасән, пикирлириңиз тәкшүргүчиләр тәрипидин тәстиқлиниши вә мувапиқ дәриҗидә тәһрирлиниши түпәйли, тор бәттә дәрһал пәйда болмайду. Сиз қалдурған мәзмунға әркин асия радиоси җавабкар болмайду. Башқиларниң көз қариши вә һәқиқәткә һөрмәт қилишиңизни сораймиз.

Толуқ бәт