Yawropa ittipaqining Uyghur mejburiy emgek mehsulatlirini cheklesh mesilisi qiziq nuqtigha aylan'ghan

Muxbirimiz erkin
2021-10-20
Share

Yawropa ittipaqining Uyghur mejburiy emgek mehsulatlirini cheklesh mesilisi qiziq nuqtigha aylinip, ‍ichki ‍ixitilap peyda qilghan. "Politiko" torining xewer qilishiche, yawropa parlaménti ezaliri we kishilik hoquq pa'aliyetchiliri Uyghur mejburiy emgek mehsulatlirini omumyüzlük chekleshni telep qiliwatqan bolsimu, lékin biryussélning bu yolni tallash-tallimasliqi téxi éniq emesken. Yawropa komissiyesining prézidénti ursula fon dér léyén ötken ay mejburiy emgek mehsulatlirini chekleshke wede bergen bolup, uning sözi xitayning Uyghur mejburiy emgek mehsulatlirigha qaritilghan, dep qaralghan.

Biraq "Politiko" ning éytishiche, yawropa komissiyesining alaqidar bölümliri bolupmu soda emeldarliri bu mesilini qol köydüridighan bir nersidek tashlap qoyghandek qilghan. Xewerde, hazirqi négizlik mesile yawropa ittipaqining soda cheklimisi qoyush-qoymasliqida qalghanliqi bildürülgen. Xewerde éytilishiche, eger yawropa ittipaqi soda cheklimisi qoysa, uning qedimi Uyghur élide ishlepchiqirilghan mehsulatlargha alliqachan cheklime qoyghan amérika bilen maslishidiken.

Yawropa parlamént ezasi, fransiyelik siyasé'on rafa'él glukésman, Uyghur mejburiy emgek mehsulatlirini qanun chiqirip cheklesh terepdarlirining biri bolup, u "Estayidilliq shirketlerge merkezlishidighanliqi, cheklesh mehsulatlargha merkezlishidighanliqi", "Buning soda qanuni süpitide ijra qilinishi" ni, buninggha soda komissarining yétekchilik qilishi we téz heriket qilishi kéreklikini éytqan. Yawropa komissiyesi bayanatchisining éytishiche, prézidént ursula fon dér léyén mejburiy emgek mehsulatlirining qeyerde ishlep chiqirilsa chiqirilsun, yawropa ittipaqi bazirigha kirishni chekleshni éniq otturigha qoyghaniken.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.

Toluq bet