Uyghurlar tüpeylidin yene bir türküm xitay malliri amérika baziridin siqip chiqirildi

Muxbirimiz eziz
2021-10-26
Share

Uyghur diyaridiki irqiy qirghinchiliqqa qarshi tedbirlerning biri mezkur jinayetlerge shérik bolghan tijaret liniyelirining tawarlirini amérika baziridin cheklesh bolghanidi. Yéqinda ene shu tedbirlerning eng yéngi ijrasi yene bir qétim emeliy yosunda ishqa ashti.

"Qirghaq" torining 25-öktebirdiki xewiride éytilishiche, amérika baziridiki chong soda merkezliri sanilidighan Best Buy, Home Depot, we Lowes qatarliqlar özliridiki közitish kaméraliri we ‍ularning qoshumche mehsulatliri Uyghur diyaridiki mejburiy emgekke baghlinishliq bolghanliqi üchün ularni mal tekchiliridin élip tashlighan. Xewerde éytilishiche, amérika bazirini bu mehsulatlar bilen temin etküchiler xitay hökümitining zor kölemlik nazaret téxnikisinimu teminligen iken. Bolupmu Dahua, Hikvision qatarliqlar Uyghur diyaridiki siyasiy basturushni ishqa ashurushta biwasite xizmet qilghan shirketler iken. Home Depot Shirkitining axbarat ishxanisi bu heqte bayanat élan qilip "Biz kespiy exlaqta éghir mesile bolghanliqi üchün bu mehsulatlarni sétishni toxtattuq" dégen.

Nöwette bu közitish kaméraliri amérika tupriqidiki bashqa orunlarda we magizinlarda sétiliwatqan bolup, ularningmu bu heqte tégishlik tedbirlerni qollinishi texmin qilinmaqtiken.

Melum bolushiche, amérika soda ministirliqi we maliye ministirliqi Uyghur diyaridiki irqiy qirghinchiliq we mejburiy emgek tüpeylidin zor sandiki xitay shirketlirini "Qara tizimlik" ke alghan bolup, bu shirketlerning malliri amérika tamozhnisida musadire qilin'ghan. Shuningdek amérika bazirigha éksport qilinishtin men'i qilin'ghanidi.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.

Toluq bet