Amérikada mejburiy emgek mallirini cheklesh da'irisi téximu kéngiyidiken

Washin'gtondin muxbirimiz jewlan teyyarlidi
2023.11.15

Amérikadiki kündilik soda uchurliri tor béti JD Supra da “Uyghur mejburiy emgikining aldini aldini élish qanuni” ni ijra qilish da'irisini kéngeytish toghrisida bir maqale élan qilin'ghan.

Maqalide körsitilishiche, amérika dölet mejlisi xitay ishliri ijra'iye komitéti 24-öktebir küni “Xitayning déngiz mehsulatliri teminlesh zenjiridiki mejburiy emgek” heqqide ispat anglash yighini ötküzgen, amérika tashqi ishlar ministirliqi bolsa 26-séntebir küni “Shinjangdiki teminlesh zenjirini sürüshtürüsh eskertmiliri” ni élan qilghan bolup, amérika dölet mejlisi ezaliri we hökümet emeldarliri birdek halda, “Uyghur mejburiy emgikining aldini élish qanuni” ni ijra qilish da'irisini kéngeytip, bahasi töwen mallarnimu tekshürüsh, 800 dollardin töwen mallarghimu tamozhna béji élish kéreklikini otturigha qoyghan.

26-Séntebir küni, “Uyghur mejburiy emgikining aldini élish qanuni” boyiche qara tizimlikke élin'ghanliqi uqturush qilin'ghan “Shinjang tyenmyen toqumichiliqi”, “Shinjang tyanshan yung toqumichiliqi”, “Shinjang jungtey guruhi” qatarliq shirketler mejburiy emgek qanunini ijra qilish xizmet guruppisi teripidin Uyghurlarni mejburiy emgekke sélish bilen chétishliq dep békitilgen.

Maqalide bildürülüshiche, eng yéngi tereqqiyat ehwalidin qarighanda, nöwette amérikaning “Tashqi sodini qulaylashturush” qanunining 321-maddisi, yeni 800 dollardin töwen mallargha tamozhna béji almasliq belgilimisi “Uyghur mejburiy emgikining aldini aldini élish qanuni” ni ijra qilishtiki chong yochuq dep qariliwatqan bolup, bu yil 7-ayda amérika dölet mejlisi ezaliridin marko rubiyo qatarliqlar tonushturghan “Import bixeterliki we adilliq qanun layihesi”, tammiy baldiwén (Tammy Baldwin) qatarliqlar tonushturghan “Eng töwen étibar qanun layihesi” kelgüside amérika maliye ministirliqining 800 dollardin töwen import mallardin baj almasliq belgilimisini cheklesh rolini oynaydiken.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.