En'gliye soda ministiri Uyghur mejburiy emgiki mehsulatlirini chekleydighanliqining bisharitini bergen

Muxbirimiz erkin
2021-12-27
Share

En'gliye soda ministiri peniy morda'unt en'gliyening Uyghur élide ishlepchiqirilghan mejburiy emgek mehsulatlirini cheklesh tedbiri élishi mümkinlikidin bésharet bergen. “Politiko” yeni “Siyaset” gézitining xewer qilishiche, peniy morda'unt, amérikaning herikitidin kéyin en'gliyeningmu bu jehette ‍ilgirilep heriket qollinishi mümkinlikini éytqan. U özlirining bu mesilisini “Her waqit közitip turuwatqanliqi” ni bildürüp, “Méningche bu boshluqni tolduridighan bezi yéngi tedbirler bar. Méning bilidighinim tashqi ishlar, ortaq gewde we tereqqiyat ishxanisi bu ishqa intayin estayidil qarap chiqiwatidu” dégen.

“Politiko” gézitining éytishiche, nöwette en'gliyediki konsérwatip parlamént ezaliri hökümetni xitayning Uyghurlargha tutqan mu'amilisige qarita uninggha qattiq bésim ishlitishke qistimaqtiken. Xewerde, gerche en'gliye hökümiti ötken yili mejburiy emgek bilen chétishliqi yoqlighini élan qilmighan shirketlerge jerimane qoyidighanliqini jakarlighan bolsimu, biraq uning herikiti héchqandaq küchi yoq, byurokratliq resmiyet, dep tenqid qilin'ghanliqi bildürülgen.

Xewerde yene nopuzluq konsérwatip parlamént ezalirining amérikagha oxshash qanun chiqirishni telep qiliwatqanliqi, parlamént tashqi ishlar komitétining re'isi tam tugénxetning en'gliye “Shinjangdin qul emgikide ishlepchiqirilghan mehsulatlarni sétiwalmasliqi kérek” dégenliki tekitlen'gen. Xewerde éytilishiche, tam tugénxet yene “Men yéngi yilda hökümetning shinjang bilen bolghan import-éksportni tekshürüshte téximu köp ilgirilesh hasil qilishini anglashni ümid qilimen” dégen.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.

Toluq bet