Qeshqerde 37 neper kadir "Mejburiyitini ada qilmighan" dégen qalpaq bilen jawabkarliqqa tartilghan

Muxbirimiz qutlan
2016-11-26
Share


Igilinishiche, qeshqer wilayetlik intizam tekshürüsh komitéti yéqinda wilayet tewesidiki 11 nahiye we sheherdin 37 neper kadirni jawabkarliqqa tartqan.

Xelq torining bu heqtiki xewirige qarighanda, qeshqer wilayiti boyiche nahiye derijilik kadirdin 15 nepiri, bölüm derijilik kadirdin 22 nepiri "Xizmet mejburiyitini ada qilmighan" dégen qalpaq bilen omumiy uqturush qilin'ghan.

Xewerde déyilishiche, ularning bezilirige wezipisidin qaldururush jazasi bérilgen bolsa, bezilirige partiye ichide qattiq agahlandurush jazasi bérilgen. Shuning bilen bir waqitta qeshqer wilayetlik partkom wilayet tewesidiki 11 nahiye we sheherdiki partiye-hökümet rehberlirining özini qattiq tekshürüshini buyrighan.

Bu yéqindin buyan qeshqer wilayitidiki asasiy qatlam kadirlirining tunji qétim keng kölemde jawabkarliqqa tartilishi we kolléktip jazalinishi hésablinidiken.

Xewerde körsitilishiche, qeshqer wilayitidin jawabkarliqi sürüshtürülgen 37 neper kadir "13-Besh yilliq" pilan mezgilide qeshqerning herqaysi nahiyeliride qurulmaqchi bolghan qosh til yeslisi qurulushigha aktip pozitsiye bildürmigen kadirlar iken.

Melum bolushiche, 20-öktebir küni qeshqer wilayiti boyiche qosh til yeslisi qurulushlirini nazaret qilip tekshürüshgende wilayet boyiche qurulmaqchi bolghan qosh til yeslilirining peqet beshi ölchemge yetken, 28 yesli pütmigen, 70 yesli téxiche qurulush qiliwatqan, 52 yesli téxi ish bashlimighan iken. Netijide bu xizmetke mes'ul 37 neper kadir qattiq bir terep qilin'ghan iken.

Közetküchiler, xitay hökümitining yéqinqi yillardin buyan Uyghur élidiki bir qisim asasiy qatlam yerlik kadirlirini "Siyasiy meydani mustehkem bolmighan" yaki "Xizmet mejburiyitini ada qilmighan" dégendek qalpaqlar bilen tazilash obéykti qiliwatqanliqini ilgiri sürmekte.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.

Toluq bet