Хитай даирилири барлиқ мәсчидләртниң хитай байқрини есишини тәләп қилди

Мухбиримиз әркин
2018-05-21
Share

Хитай даирилири барлиқ мәсчитләргә хитай дөләт байриқи есилип, мусулманлар арисида “вәтәнпәрвәрлик роһини намаян қилиш” ни тәләп қилди. Хитай даирилириниң мәзкур қарари хитайда диний әркинликкә болған чәклимә қаттиқ күчәйтилгән бирмәзгилдә чиқирилди.

Хитай мәмликәтлик ислам җәмийити өткән шәнбә күни өзиниң тор бекитидә елан қилған уқтурушида, хитай дөләт байриқиниң мәсчитләрниң “көзгә челиқидиған” йеригә есилиши тәләп қилинип, буниң “дөләт тәвәлики вә пуқралиқ чүшәнчини күчәйтидиғанлиқи, һәр қайси милләт мусулманлириниң арисида вәтәнпәрвәрлик роһини алға сүридиғанлиқи” тәкитләнгән. Хитай ислам җәмийитиниң уқтурушида йәнә мәсчитләр партийәниң “ядролуқ сотсиялистик қиммәт қариши” ға даир учурларни елан қилиши, буни диндарларға ислами текистләр билән чүшәндүрүп, уни “хәлқниң қәлбидә чоңқур йилтиз тартқузуши” ни тәләп қилған.

Хитай даирилириниң мәзкур уқтуруши чәтәл ахбарат васитилириниң диққитини қозғиди. Фирансийә агентлиқиниң дүшәнбә күни елан қилған хәвиридә, ислам диний хитай компартийәси тәрипидин етирап қилинған 5 динниң бири болсиму, лекин мусулманларға, болупму уйғур районидики мусулман уйғурларға қаритилған чәклимә күчәйтилип, уларниң сақал қоюши, намаз оқуши чәкләнгәнлики, онмиңлиған уйғурниң “йепиқ тәрбийәләш лагерлири” ға қамилип, қануни рәсмийәтсиз вә муддәтсиз тутуп туриливатқналиқини тәкитлигән. Мәсичтләргә хитайниң дөләт байриқини есиш уйғур районида хели бурун башланған болсиму, лекин бу қетим хитай ислам җәмийити буни уқтуруш чиқирип рәсмиләштүргән. Хитай ислам җәмийитиниң уқтурушида қәйт қилинишичә, байрақ есишниң мәқсити мәсчитләрни партийә вә дөләтниң қанун-сиясәтлирини өгинидиған сағлам сорунға айландуруп, мусулманларниң “ортақ хитай кимликигә болған тонуши” ни хитайлар билән охшаш чүшәнчигә игә қилиш икән.

Пикирләр (0)

Барлиқ пикир - баянларни көрүш.

Пикир қошуң

Радиониң ишлитиш шәртлиригә асасән, пикирлириңиз тәкшүргүчиләр тәрипидин тәстиқлиниши вә мувапиқ дәриҗидә тәһрирлиниши түпәйли, тор бәттә дәрһал пәйда болмайду. Сиз қалдурған мәзмунға әркин асия радиоси җавабкар болмайду. Башқиларниң көз қариши вә һәқиқәткә һөрмәт қилишиңизни сораймиз.

Толуқ бәт