Хитай даирилири японийәдин қайтқан уйғур зиялийси меһрай әркинниң ‍өлүмини униң ‍өзигә артип қойған

Мухбиримиз әркин
2021-09-20
Share

Хитай даирилири мәхсус видийо ишләп, 2019-йили японийәдин қәшқәргә қайтқанда тутқун қилинип, түрмидә өлгән яш уйғур зиялийси меһраб әркинниң ‍өлүш сәвәбини униң өзигә артип қойған. "дипломат" журнилиниң хәвәр қилишичә, хитай даирилириниң "‍өлүм испати" намлиқ мәзкур видийосида, меһрай әркинниң әркин асия радийоси хәвәр қилғандәк сорақ җәрянида өлмигәнлики, әксичә униң өлүминиң B типлиқ җигәр яллуғиниң әгәшмә кесәлликлирини давалашни рәт қилғанлиқи сәвәблик болғанлиқи илгири сүрүлгән.

"дипломат" журнилиниң ейтишичә, хитайниң чәтәлдики уйғурларниң ғайиб болған уруқ-туғқанлирини екранға чиқирип, компартийәни махтитиши компартийәниң паалийәтчиләргә қарши изчил ишлитип кәлгән тактикиси икән. Меһрай әркин японийәдики нара пән-техника институтиниң тәтқиқатчиси болуп, у 2019-йили қәшқәр даирилириниң униң ата-анисиға бесим ишлитиши арқисида юртиға қайтип барғанда қолға елинип түрмидә өлгән. Радийомиз йеқинда униң сорақ җәрянида өлгәнликини дәлиллигәниди.

Бу видийониң сүрәткә елинған вақти вә орни мәлум әмәс. Видийода 30 яшлиқ меһрай әркинниң аталмиш дохтури диларә маһмутни зиярәт қилинған. Диларә маһмут меһрай әркинниң B типлиқ җигәр яллуғида "көп хил ички әзалириниң иқтидари аҗизлишиш" сәвәблик ‍өлгәнлики, униң давалинишни рәт қилғанлиқини илгири сүргән.

Лекин көзәткүчиләрниң ейтишичә, бу видийо меһрай әркинниң ‍өлүм сәвәбигә қарита техиму гуманлиқ соалларни пәйда қилған. "дипломат" журнилиниң хәвиридә, хитайниң лагер шаһитлирини етиварсизлаштуруш һәрикити униң "өлүм испати" намлиқ бу видийони тарқитип, "меһрай әркинниң өлүмини униң өзи пәйда қилған, дәп елан қилиши билән қорқунчлуқ бурулуш ясиғанлиқи" билдүрүлгән.

Пикирләр (0)

Барлиқ пикир - баянларни көрүш.

Пикир қошуң

Радиониң ишлитиш шәртлиригә асасән, пикирлириңиз тәкшүргүчиләр тәрипидин тәстиқлиниши вә мувапиқ дәриҗидә тәһрирлиниши түпәйли, тор бәттә дәрһал пәйда болмайду. Сиз қалдурған мәзмунға әркин асия радиоси җавабкар болмайду. Башқиларниң көз қариши вә һәқиқәткә һөрмәт қилишиңизни сораймиз.

Толуқ бәт