Майк помпейониң уйғурлар мәсилисини тилға елиши хитайни бәкму биарам қилди

Мухбиримиз әзиз
2020.01.01
Share on WhatsApp
Share on WhatsApp

Америка ташқий ишлар министири майк помпейо өзиниң шәрқий явропа вә оттура асиядики он күнлүк (27-декабирдин 7-январғичә) хизмәт зиярити җәрянида һәрқайси дөләтләрниң рәһәбәрлири билән мәхсус сөһбәттә болидиғанлиқини һәмдә бу җәрянда уйғурлар мәсилисини алаһидә оттуриға қойидиғанлиқини билдүргән иди. Хитай һөкүмити бу һалдин қаттиқ пәришан болуп, дәрһал буниңға қарши һуҗумға өтти.

Хитай һөкүмитиниң карнийи болған “йәр шари вақти гезити” 1-январ күни мәхсус мақалә елан қилип америка һөкүмитини хитай билән оттура асияниң мунасивитигә “шина қеқиш мәқсидигә йетәлмәйду” дәп җакарлиди.

Мақалидә “шинҗаң вә оттура асия райони ‛үч хил күчләр‚ ниң ортақ тәһдитигә дуч кәлмәктә” дейиш арқилиқ өзлириниң “кәспий тәрбийәләш мәктипи” ечиш арқилиқ “терорлуқ” вә “әсәбийлик” ни бих һалитидила йоқ қиливәткәнликини, шу сәвәбтин өткән үч йилда уйғур диярида һечқандақ зораванлиқ вәқәлириниң көрүлмигәнликини йәнә бир қетим тәкитлигән. Шундақла “бу хилдики ‛шинҗаңчә усул‚ ни оттура асия райони үлгә қилиши лазим” дәп көрсәткән.

Хәвәрләрдин мәлум болушичә, майк помпейо бу қетим қазақистан вә өзбекистанда зиярәттә болидиған болуп изчил һалда “хитайниң уйғурларни бастуруши терорлуқ вә әсәбийлик билән алақисиз” дәп тәкитләп кәлгән иди.

Пикир қошуң

Радиониң ишлитиш шәртлиригә асасән, пикирлириңиз тәкшүргүчиләр тәрипидин тәстиқлиниши вә мувапиқ дәриҗидә тәһрирлиниши түпәйли, тор бәттә дәрһал пәйда болмайду. Сиз қалдурған мәзмунға әркин асия радиоси җавабкар болмайду. Башқиларниң көз қариши вә һәқиқәткә һөрмәт қилишиңизни сораймиз.