Mayk pompéyo Uyghurlar heqqide bash maqale élan qildi

Muxbirimiz eziz
2021-01-20
Share

Amérika tashqi ishlar ministiri mayk pompéyo aq saraydin ayrilish harpisida Uyghurlar uchrawatqan ijtima'iy paji'ening irqiy qirghinchiliq ikenlikini jakarlash bilen birge özining "Shinjangdiki qirghinchiliq" témi'isidiki bash maqalisini "Washin'gton pochtisi" gézitide élan qildi.

19-Yanwar chüshtin kéyin élan qilin'ghan bu bash maqalida mayk pompéyo xitay kompartiyesining 1950-yillardin tartip Uyghurlargha zulum qilip kéliwatqanliqini, emma shunche uzun'ghiche amérika hökümitining bu mesilige sel qarap kelgenlikini tenqidlep: "Biz süküt qilghanliqimiz üchün xitay bekla heddidin éship ketti. Emdi buninggha dawamliq yol qoyushqa bolmaydu" dep körsetti.

U maqalisida yene néme üchün amérika hökümitining Uyghurlar duch kéliwatqan nöwettiki siyasiy basturush herkitini "Irqiy qirghinchilq" dep békitishidiki sewebler heqqidimu tepsili chüshenche berdi. Shundaqla buning nechche yillargha sozulghan zor kölemlik tekshürüsh hemde köpligen maddiy ispatlar asasida yekünlen'gen xulase ikenlikinimu alahide eskertti. Bolupmu xitay hökümitining milyonlighan Uyghurni lagérgha qamashtin sirt yene ularni rohiy we jismaniy jehettin insan berdashliq bérelmeydighan derijide qiynishi, lagér sirtida bolsa "Orwélche uslub" tiki qattiq nazaretni ijra qilishi, shuningdek Uyghur qiz-chokanlirini mejburiy tughmas qiliwétishi hemde ularni xitaylar bilen toy qilishqa mejburlishi, Uyghur gödeklirini ata-aniliridin juda qilishi dégenlerning hemmisi ortaq halda "Uyghurlarni tüp yiltizidin yoq qiliwétish" tek qebih meqsedni közligenliki heqqidimu tepsili toxtaldi.

Amérikada jow baydin bashchiliqidiki yéngi hökümet ish bashlash harpisida amérika hökümitining bundaq bir dewr bölgüch qararni élishi pütün dunyadiki herqaysi chong axbarat wastiliridin keng yer aldi. Shundaqla buning amérika-xitay munasiwitining kelgüsi tereqqiyatida aktip rol oynaydighanliqi texmin qiliniwatqanliqi melum.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.

Toluq bet