Amérika dölet mejlisining jumhuriyetchi ezaliri baydén hökümitining xu'awéy shirkitige mikro özek sétish qararini tenqidligen

Muxbirimiz irade
2021.08.26

Amérika dölet mejlisining jumhuriyetchilerdin bolghan bir qisim ezaliri baydén hökümitining xu'awéy shirkitige mikro özek sétip bérish qararigha qarshi chiqqan. Ular baydén hökümitining bu qararini tenqid qilip, amérika shirketlirini xitayning xu'awéy shirkitige mikro özek sétip bermeslikke chaqirghan.

Amérika awam palatasi herbiy mulazimet komitétidiki jumhuriyetchiler partiyesining rehbiri mayk rojérs bu heqte élan qilghan mexsus bayanatida baydén hökümitining bu qararini qattiq eyibligen. U mundaq dégen: “Baydén hökümitining xitay kommunistik partiyesining jasusluq shériki bolghan xu'awéyge nechche yüz milyon dollarliq mikro özek sétishni testiqlighanliqi toghrisidiki xewer kishini chöchütidu. . . Men bu qararning amérika dölet bixeterlikige téximu köp ziyanlarni élip kélishtin ilgiri, baydin hökümitini derhal bu qararini özgertishke chaqirimen.”

Donald tramptin kéyin aqsaraygha kirgen baydén hökümiti aldinqi mezgillerde xitayning “Xu'awéy” shirkitini öz ichige alghan bir qisim yuqiri téxnika shirketlirini ularning Uyghurlargha qaritilghan zulum xaraktérlik teqiblesh herikitidiki roli seweblik “Qara tizimlik” ke alghan we amérika shirketlirining mezkur shirketlerge ilghar téxnika we üskünilerni sétip bérishini chekligen idi. Emma bu qétim baydén hökümitining néme üchün xu'awéy shirkitige mikro özek sétip bérish qararini alghanliqining sewebi éniq emes iken.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.