Даириләр үрүмчидики "милләтләр иттипақлиқ қорулири" ни уйғур диярида омумлаштурмақчи

Мухбиримиз меһрибан
2017-05-09
Share

9-Май күни үрүмчи кәчлик гезитидә елан қилинған "үрүмчидә 480 җайда миллий иттипақлиқ қорулири қурулди" сәрләвһилик тәпсилий хәвәрдә, бу йил 4-айғичә үрүмчи шәһиридә көп милләт арилаш олтурақлашқан 480 аһалиләр нуқтисиға "милләтләр иттипақлиқи қоруси" дәп нам берилгәнлики хәвәр қилинди.

Мәзкур хәвәрдә кәлгүси үч йиллиқ пиланда уйғур дияридики һәрқайси вилайәт, наһийиләрдә бу хил қорулар көпәйтилип, пүтүн уйғур аптоном районини "милләтләр иттипақлиқи" һойлилири қаплайдиғанлиқи тилға елинған.

Хәвәрдә йәнә, йеқинқи бирқанчә йилдин буян үрүмчи шәһиридә охшимиған милләтләр арилишип олтурақлишидиған инақ, хатирҗәм вәзийәт барлиққа кәлгәнлики мәдһийиләнгән.

2009-Йили яз пәслидә үрүмчидә һөкүмәт тәрипидин қанлиқ бастурушқа учриған "5-июл уйғурларниң наразилиқ намайиши" вә 7-сентәбир күнлиригичә давам қилған "хитайларниң тоқмақ көтүрүп уйғурларға һуҗум қилиш вәқәлири" дин кейин, үрүмчи шәһиридә уйғурлар вә хитайларниң бөлүнүш вәзийити шәкилләнгән.

Үрүмчидин игилигән әһваллардин мәлум болушичә, шундин башлап, хитайларниң шәһәрниң шималидики йеңишәһәр райониға көчүш, уйғурларниң шәһәрниң җәнубидики тәңритағ райони йәни үрүмчи кона шәһәр райониға көчүш долқуни қозғалған. Әйни чағда йәнә, хитайлар өзлири олтурақлашқан районларни "азад район" дәп аташқан болса, уйғурлар өзлири олтурақлашқан районни "пәләстинниң ғәззә райони" ға охшатқан вәзийәт шәкилләнгән иди.

Пикирләр (0)

Барлиқ пикир - баянларни көрүш.

Пикир қошуң

Радиониң ишлитиш шәртлиригә асасән, пикирлириңиз тәкшүргүчиләр тәрипидин тәстиқлиниши вә мувапиқ дәриҗидә тәһрирлиниши түпәйли, тор бәттә дәрһал пәйда болмайду. Сиз қалдурған мәзмунға әркин асия радиоси җавабкар болмайду. Башқиларниң көз қариши вә һәқиқәткә һөрмәт қилишиңизни сораймиз.

Толуқ бәт