Da'iriler ürümchidiki “Milletler ittipaqliq qoruliri” ni Uyghur diyarida omumlashturmaqchi

Muxbirimiz méhriban
2017-05-09
Share

9-May küni ürümchi kechlik gézitide élan qilin'ghan “Ürümchide 480 jayda milliy ittipaqliq qoruliri quruldi” serlewhilik tepsiliy xewerde, bu yil 4-ayghiche ürümchi shehiride köp millet arilash olturaqlashqan 480 ahaliler nuqtisigha “Milletler ittipaqliqi qorusi” dep nam bérilgenliki xewer qilindi.

Mezkur xewerde kelgüsi üch yilliq pilanda Uyghur diyaridiki herqaysi wilayet, nahiyilerde bu xil qorular köpeytilip, pütün Uyghur aptonom rayonini “Milletler ittipaqliqi” hoyliliri qaplaydighanliqi tilgha élin'ghan.

Xewerde yene, yéqinqi birqanche yildin buyan ürümchi shehiride oxshimighan milletler ariliship olturaqlishidighan inaq, xatirjem weziyet barliqqa kelgenliki medhiyilen'gen.

2009-Yili yaz peslide ürümchide hökümet teripidin qanliq basturushqa uchrighan “5-Iyul Uyghurlarning naraziliq namayishi” we 7-séntebir künlirigiche dawam qilghan “Xitaylarning toqmaq kötürüp Uyghurlargha hujum qilish weqeliri” din kéyin, ürümchi shehiride Uyghurlar we xitaylarning bölünüsh weziyiti shekillen'gen.

Ürümchidin igiligen ehwallardin melum bolushiche, shundin bashlap, xitaylarning sheherning shimalidiki yéngisheher rayonigha köchüsh, Uyghurlarning sheherning jenubidiki tengritagh rayoni yeni ürümchi kona sheher rayonigha köchüsh dolquni qozghalghan. Eyni chaghda yene, xitaylar özliri olturaqlashqan rayonlarni “Azad rayon” dep atashqan bolsa, Uyghurlar özliri olturaqlashqan rayonni “Pelestinning ghezze rayoni” gha oxshatqan weziyet shekillen'gen idi.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.

Toluq bet