Җаң чүншйән уйғур елидә партийә истили қурулуши вә чирикликкә қарши күрәшни "тәврәнмәй" илгири сүрүшни тәкитлигән

Мухбиримиз җүмә
2015-01-31
Share


Уйғур райониниң партком секретари җаң чүншйән 30 - декабирдики бир йиғинда уйғур елидә партийә истили қурулуши вә чирикликкә қарши күрәшни "тәврәнмәй" илгири сүрүшни тәкитлигән.

У, бу сөзләрни үрүмчидә чақирилған аптоном районлуқ 8 - нөвәтлик интизам тәкшүрүш комитети 5 - омум йиғинда оттуриға қойған.

Бу йиғин хитай рәиси ши җинпиң қозғиған чирикликкә зәрбә бериш көрүши күчәйгән вә уйғур елидиму нәччә онлиған һәр дәриҗилик һөкүмәт әмәлдарлири чериклик билән әйибләнгән мәзгилгә тоғра кәлди.

Җаң чуншйән бу йиғинда йәнә өткән бир йилда уйғур елини қанун билән идарә қилиш чиң тутулғанлиқи, партийә истили, паклиқ қурулуши вә черикликкә қариши күрәшниң район муқимлиқидики әң муһим һәрикәт сүпитидә бир тәрәп қилинғанлиқини билдүргән.

Һалбуки, америкидики кишилик һоқуқини көзитиш тәшкилати 28 - январдики йиллиқ доклатида уйғур елдики қанун тармақлириниң аталмиш террорлуқ билән әйибләнгән җинайәтчиләрни чақмақ тиликидә бир тәрәп қилғанлиқи, шуңа буларниң адил сотланғанлиқиға гуман билән қарашқа болидиғанлиқини көрсәткән.

Уйғур елидики чериккә қариши туруш көрүши һәққидә тохталған бәзи мулаһизичиләр уйғур елидики бу күрәшниң йәнә хитай һөкүмити яқтурмайдиған әмәлдарларни зәрбә нишани қилған болуши мумкинликини илгири сүрүгән иди.

Пикирләр (0)

Барлиқ пикир - баянларни көрүш.

Пикир қошуң

Радиониң ишлитиш шәртлиригә асасән, пикирлириңиз тәкшүргүчиләр тәрипидин тәстиқлиниши вә мувапиқ дәриҗидә тәһрирлиниши түпәйли, тор бәттә дәрһал пәйда болмайду. Сиз қалдурған мәзмунға әркин асия радиоси җавабкар болмайду. Башқиларниң көз қариши вә һәқиқәткә һөрмәт қилишиңизни сораймиз.

Толуқ бәт