Jang chünshyen Uyghur élide partiye istili qurulushi we chiriklikke qarshi küreshni "Tewrenmey" ilgiri sürüshni tekitligen

Muxbirimiz jüme
2015-01-31
Share


Uyghur rayonining partkom sékrétari jang chünshyen 30 - dékabirdiki bir yighinda Uyghur élide partiye istili qurulushi we chiriklikke qarshi küreshni "Tewrenmey" ilgiri sürüshni tekitligen.

U, bu sözlerni ürümchide chaqirilghan aptonom rayonluq 8 - nöwetlik intizam tekshürüsh komitéti 5 - omum yighinda otturigha qoyghan.

Bu yighin xitay re'isi shi jinping qozghighan chiriklikke zerbe bérish körüshi kücheygen we Uyghur élidimu nechche onlighan her derijilik hökümet emeldarliri chériklik bilen eyiblen'gen mezgilge toghra keldi.

Jang chunshyen bu yighinda yene ötken bir yilda Uyghur élini qanun bilen idare qilish ching tutulghanliqi, partiye istili, pakliq qurulushi we chériklikke qarishi küreshning rayon muqimliqidiki eng muhim heriket süpitide bir terep qilin'ghanliqini bildürgen.

Halbuki, amérikidiki kishilik hoquqini közitish teshkilati 28 - yanwardiki yilliq doklatida Uyghur éldiki qanun tarmaqlirining atalmish térrorluq bilen eyiblen'gen jinayetchilerni chaqmaq tilikide bir terep qilghanliqi, shunga bularning adil sotlan'ghanliqigha guman bilen qarashqa bolidighanliqini körsetken.

Uyghur élidiki chérikke qarishi turush körüshi heqqide toxtalghan bezi mulahizichiler Uyghur élidiki bu küreshning yene xitay hökümiti yaqturmaydighan emeldarlarni zerbe nishani qilghan bolushi mumkinlikini ilgiri sürügen idi.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.

Toluq bet