"Byline Times" намлиқ жорнал уйғурларниң хитайдики әмгәк базирида кәмситишкә учраш әһвалини тәкшүргән

Мухбиримиз ирадә
2021-08-19
Share

"Byline Times" намлиқ жорнал уйғурлар хизмәт тепишта дуч келидиған айримичилиқ һәққидә мәхсус тәкшүрүш елип барған.

Улар бу һәқтә елан қилған хәвәр мақалисдә уйғурларниң хитайдики әмгәк базирида систиемилиқ һалда кәмстилишкә учрайдиғанлиқини билдүргән. Хәвәрдә ейтилишичә, улар хитайда хизмәт еланлири чиқидиған "Liepin. com" вә "51job. com" қатарлиқ икки чоң тор бәтни анализ қилип, униңдики 55 пирсәнттин көпрәк хизмәт еланида очуқ-ашкара һалда уйғур, тибәт, туңган қатарлиқ милләтләр қобул қилинмайду, дәп йезилғанлиқини көргән.

Хәвәрдә ейтилишичә, бу еланларниң 24 пирсәнтидә аз санлиқ милләтләрниң "ишқа орунлишиш нормиси" тошти дейилгән болса, бәзи еланларда "адәм алғучи орунлар исламий йемәк-ичмәк адити бар кишиләрни ойлашмайдиғанлиқи" ни очуқ дегән. Йәни "пәқәт роза тутмайдиған аз санлиқ милләтләрнила қобул қилимиз" дәп алаһидә тәкитлигән. Тор бәтләрдики хизмәт еланлириниң пәқәт 5 пирсәнтидила "аз санлиқ милләтләр қобул қилиниду" дәп йезилған.

"Byline Times" жорнили бу һәқтә чәт әлләрдики бир қанчә уйғур яшниң тәҗрибилириниму ортақлашқан болуп, улар бу уйғур яшлири дуч кәлгән айримичилиқниң уйғурлар үчүн ортақ бир вәзийәт икәнликини билдүргән.

Мәзкур мақалидә уйғур кишиик һоқуқ қурулушиниң тәтқиқатчиси һенрий шаҗевискиниң сөзигиму йәр берилгән болуп, у сөзидә: "уйғурлар хизмәт тепишта дуч кәлгән кәмситиш улар дуч келиватқан нурғунлиған кәмситиш вә айримичилиқлар арисидики пәқәтла бири," дәп тәкитлигән.

Пикирләр (0)

Барлиқ пикир - баянларни көрүш.

Пикир қошуң

Радиониң ишлитиш шәртлиригә асасән, пикирлириңиз тәкшүргүчиләр тәрипидин тәстиқлиниши вә мувапиқ дәриҗидә тәһрирлиниши түпәйли, тор бәттә дәрһал пәйда болмайду. Сиз қалдурған мәзмунға әркин асия радиоси җавабкар болмайду. Башқиларниң көз қариши вә һәқиқәткә һөрмәт қилишиңизни сораймиз.

Толуқ бәт