"Byline Times" namliq zhornal Uyghurlarning xitaydiki emgek bazirida kemsitishke uchrash ehwalini tekshürgen

Muxbirimiz irade
2021-08-19
Share

"Byline Times" namliq zhornal Uyghurlar xizmet tépishta duch kélidighan ayrimichiliq heqqide mexsus tekshürüsh élip barghan.

Ular bu heqte élan qilghan xewer maqalisde Uyghurlarning xitaydiki emgek bazirida sistiémiliq halda kemstilishke uchraydighanliqini bildürgen. Xewerde éytilishiche, ular xitayda xizmet élanliri chiqidighan "Liepin. com" we "51job. com" qatarliq ikki chong tor betni analiz qilip, uningdiki 55 pirsenttin köprek xizmet élanida ochuq-ashkara halda Uyghur, tibet, tunggan qatarliq milletler qobul qilinmaydu, dep yézilghanliqini körgen.

Xewerde éytilishiche, bu élanlarning 24 pirsentide az sanliq milletlerning "Ishqa orunlishish normisi" toshti déyilgen bolsa, bezi élanlarda "Adem alghuchi orunlar islamiy yémek-ichmek aditi bar kishilerni oylashmaydighanliqi" ni ochuq dégen. Yeni "Peqet roza tutmaydighan az sanliq milletlernila qobul qilimiz" dep alahide tekitligen. Tor betlerdiki xizmet élanlirining peqet 5 pirsentidila "Az sanliq milletler qobul qilinidu" dep yézilghan.

"Byline Times" zhornili bu heqte chet ellerdiki bir qanche Uyghur yashning tejribilirinimu ortaqlashqan bolup, ular bu Uyghur yashliri duch kelgen ayrimichiliqning Uyghurlar üchün ortaq bir weziyet ikenlikini bildürgen.

Mezkur maqalide Uyghur kishi'ik hoquq qurulushining tetqiqatchisi hénriy shajéwiskining sözigimu yer bérilgen bolup, u sözide: "Uyghurlar xizmet tépishta duch kelgen kemsitish ular duch kéliwatqan nurghunlighan kemsitish we ayrimichiliqlar arisidiki peqetla biri," dep tekitligen.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.

Toluq bet