Xitayning: "Shén ayallar moda kiyimliri shirkiti" xizmetke qobul qilishta Uyghurlarni kemsitkenlikini ret qilghan

Muxbirimiz erkin
2021-08-30
Share

Xitayning dangliq "Shén ayallar moda kiyimliri shirkiti" xizmetke qobul qilishta Uyghurlarni kemsitkenlikini inkar qilip, bashqa bir ishqa tonushturush ornining ularning namini suyi'istémal qilghanliqini ilgiri sürgen. BBC Ning xewer qilishiche, bu shirket uning namida ishqa qobul qilish élani chiqarghan orun üstidin tekshürüsh élip bérishqa bashlighanliqini bildürgen.

‍Ötken yili 4-ay bilen 12-ay arisida xitaydiki bir ishqa tonushturush orni torda "Shén ayallar moda kiyimliri shirkiti" ge xizmetchi qobul qilish élani chiqarghan. Uningda "Shén ayallar moda kiyimliri shirkiti" ning gu'angjudiki zawuti yaki ambirigha xizmetchi qobul qilidighanliqi, lékin uninggha Uyghur qatarliq az sanliq milletlerning qobul qilinmaydighanliqi tekitlen'gen. Xitay hökümiti xelq'arada Uyghurlargha "Irqiy qirghinchiliq" qilish, milyondin artuq Uyghurni mejburiy emgekke sélish bilen eyibliniwatqan mezgilde chiqirilghan bu élan xelq'ara taratqularning diqqitini qozghighan.

BBC Ning éytishiche, ular körgen zawut we ambarlarning xizmetchi qobul qilish élanida Uyghurlarni öz ichige alghan az sanliq milletlerning iltimas qilishigha bolmaydighanliqi éytilghan bolsimu, biraq "Shén ayallar moda kiyimliri shirkiti" bundaq bir élanni tapalmighanliqi shundaqla bu élanni testiqlimaydighanliqini bildürgen.

Bir ishqa qobul qilish ornining qandaq bolup "Shén ayallar moda kiyimliri shirkiti" ning xewirisiz élan chiqarghanliqi melum emes. Biraq kishilik hoquq teshkilatliri we gherb tetqiqat orunliri xitayda Uyghurlarni ishqa qobul qilishta kemsitishning omumyüzlük ehwal ikenlikini tekitlep kelmekte.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.

Toluq bet