Xitay shirketliri ötken esirning 70-yilliridiki “Minbinglar qoshuni” teshkilligen

Washin'gtondin muxbirimiz jewlan teyyarlidi
2024.02.21

Amérika CNN torining 21-féwral küni bergen xewiridin melum bolushiche, yéqinqi mezgildin buyan, xitay shirketliri öz aldigha minbing (xelq eskerliri) qoshuni teshkilligen bolup, buningda hökümetning qoli barliqi, shirketlerni kelgüsi urushqa teyyarliq qilishqa, kowidqa qarshi turushqa yaki ammiwi topilangni bésiqturushqa seperwer qiliwatqanliqi toghrisida xilmu xil perezler otturigha chiqmaqtiken.

Xewerde éytilishiche, xitay shirketliri xitayning 1970-yillardiki weziyitidin örnek élip, “Pida'iylar qoshuni” teshkilligen bolup, az dégende 16 chong shirket öz aldigha “Jeng qilidighan qisim” qurup chiqqan. Bu qisimning nami “Xelq qoralliq qisim etriti” dep atalghan. Dunya boyiche eng chong “Arqa sep qoshuni” hésablan'ghan bu qisim, xitay armiyesining arqa sépidin orun alghan we xitay armiyesige yardem béridighan qoshun bolup, jeng qilmighan waqitlarda tebi'iy apettin qutquzushqa we “Jem'iyet tertipi” ni qoghdashqa atlinidiken.

Xewerde tehlil qilinishiche, xitay iqtisadining weyran bolush girdabigha kélip qélishi, xelq'aradin xitaygha kéliwatqan bésim we xitayning ichki qismidiki dawalghushlar, shundaqla kowid mezgilidin kéyin xitayda shekillen'gen jem'iyet krizisi xitay kompartiyesini, xususen shi jinpingni éghir endishige salghan؛ netijide xitay hökümiti dölet igidarchiliqidiki shirketlerge yölinish arqiliq qoralliq küchini ashurmaqchi bolghan؛ chünki ular iqtisadtinmu bekrek muqimliqni oylashqan, öz hakimiyitini zorluq küch bilen saqlashni qoghlashqan bolushi mumkin iken.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.