Misirda mursining qollighuchiliri bilen hökümet küchliri arisidiki toqunush kücheydi

Muxbirimiz ümidwar
2013-07-28
Share


Misir da'iriliri misir bixeterlik qoshunliri bilen sabiq prézidént muhemmed mursining qollighuchiliri arisidiki toqunush dawamlashmaqta. Shenbe künidin tartip, 78 adem hayatidin ayrilghan, köp sanda adem yarilan'ghan.

Iskenderiye shehiridiki namayishta oq chiqirilghan bolup, musulman qérindashlar jem'iyiti misir saqchi küchlirini tinch namayishchilargha oq chiqirish bilen eyibligen. Biraq, misir hökümet terep saqchilarning oq chiqarghanliqini inkar qilghan. B b s agéntliqining yézishiche, namayishchilar dawamliq öz qarshiliqini ipade qiliwatqan bolup, misir ichki ishlar ministiri bixeterlikni buzidighan her qandaq qilmishlargha qarita qattiq jawab béridighanliqini bildürgen.

Amérika dölet ishliri ministiri kérri misir weziyiti heqqide toxtilip, zorawanliqni eyibligen hemde hökümetning xelqning tinch yighilish we erkin ipade qilish hoquqini hörmet qilishini chaqirghan.

B d t bash katipi ban kimon misir waqitliq hökümitidin xelqning bixeterlikini qoghdishini telep qilghan.

Xitay tashqi ishlar ministirimu her ikkila terepning zorawanliqini tashlap, qan tökülüshning aldini élishni, junggo terepning söhbet arqiliq mesilini hel qilish terepdari ikenlikini bildürgen.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.

Toluq bet