Мудй гуруһи хитайниң кредит дәриҗисини йәнә төвәнлитилиши мумкин икән

Мухбиримиз җүмә
2017-05-27
Share

Дунядики әң нопузлуқ иқтисадий инавәт йәни кредит дәриҗисини баһалаш гуруһи мудй ширкитидики хадимларниң билдүрүшичә, әгәр хитай йәрлик һөкүмәт вә ширкәтләрниң қәрзини төвәнлитиш үчүн иқтисадий қурулмисида ислаһат елип бармиса, хитай иқтисадиға берилидиған инавәт номури йәнә төвәнлитилиши мумкин икән.

Мудй гуруһиниң мәбләғ салғучилар оргини чаршәнбә күни хитайниң иқтисадий күчигә қаритилған кредит дәриҗисини бир балдақ төвәнлитип A1 гә чүшүргән.

Мәзкур орган бу һәқтә елан қилған бир парчә уқтурушта, бу хил төвәнлитишиниң хитай иқтисадиға болған ишәнчниң йоқалғанлиқини әкс әттүрғанлиқи көрситилгән.

Чаршәнбә күни мәзкур орган хитайдики ширкәт қәрз соммиси өрләп, буниң дөләт иқтисадиниң өрләш потенсиалини астилитиши мумкинлики сәвәбидин хитайниң иқтисадий күчигә қаритилған кредит дәриҗисини әслидики AA3 тин A1 гә төвәнләткән.

Хитай буниң "намувапиқ усуллар" билән чиқирилған қара икәнликини көрситип, қаттиқ наразилиқ билдүргән.

Ройтерсниң җүмә күни хәвәр қилишичә, мудй гуруһидики мунасивәтлик хадимлар хитайға җавабән әгәр хитай иқтисадий қурулмисидики ислаһат дегәндәк унум бәрмисә, хитайға берилидиған кредит дәриҗисиниң йәнә чүшүрүлүши мумкинликини билдүргән.

Хәвәрдә нәқил қилишичә, мудй гуруһидики юқири дәриҗилик мәсул хадим мария дирон хитайниң ширкәт қәрз соммиси йәнә өрлишини астилитиш үчүн бир қатар тәдбирләрни алғанлиқини, әмма буларниң хитайдики қәрз өрләш еқимини тосуп қалалмайдиғанлиқини билдүргән.

Мәзкур органдики кредит өлчими бәлгиләш орниниң муавин башлиқи лю шюҗунму нөвәттә хитайниң қәрзиниң мудй гуруһи күткәндинму еғир дәриҗидә көпийиши мумкинлики, әгәр шундақ болса, буниң хитайға берилидиған кредит дәриҗисигә әкс тәсир көрситидиғанлиқини билдүргән.

CNN Ниң хәвәрлиригә қариғанда, 2008-йилидики иқтисадий кризистин кейин хитайниң йәрлик һөкүмәтлири вә дөләт игидарчилиқидики ширкәтлири еғир қәрзгә тайинип, шәһәрләрни қуруш, йолларни ясаш, сода саһәсигә мәбләғ селиш вә пул муамилә базирини күчәйтиш үчүн тиришқан.

Нәтиҗидә хитайдики йәрлик һөкүмәтләр, болупму дөләт игидарчилиқидики ширкәтләрниң қәрз соммиси һәссиләп артип маңған.

Пикирләр (0)

Барлиқ пикир - баянларни көрүш.

Пикир қошуң

Радиониң ишлитиш шәртлиригә асасән, пикирлириңиз тәкшүргүчиләр тәрипидин тәстиқлиниши вә мувапиқ дәриҗидә тәһрирлиниши түпәйли, тор бәттә дәрһал пәйда болмайду. Сиз қалдурған мәзмунға әркин асия радиоси җавабкар болмайду. Башқиларниң көз қариши вә һәқиқәткә һөрмәт қилишиңизни сораймиз.

Толуқ бәт