Москвада көп санда адәм қатнашқан өктичиләр намайиши йүз бәрди

Мухбиримиз үмидвар
2017-02-26
Share


Йәкшәнбә күни, русийә пайтәхти москвада зор сандики адәмниң намайиш қилип йүрүш паалийити өткүзүлгән болуп, мәзкур йүрүш паалийити буниңдин икки йил илгири, йәни 2015-йили, 27-феврал күни намәлум җинайәтчиләр тәрипидин сүйиқәст билән өлтүрүлгән мәшһур өктичи сиясийон борис немсовни хатириләшни мәқсәт қилған.

Б б с агентлиқиниң хәвәр қилишичә, әйни вақитта президент владимир путинға қарши өктичи рәһбәрлиридин бири һесабланған борис немсовни хатириләшкә қатнашқан кишиләрниң сани һәққидә түрлүк учурлар мәвҗут болуп, паалийәтни тәшкиллигүчиләр 30 миң адәм қатнашти десә,йәнә бәзиләр 15 миң адәм қатнашти дегән, әмма сақчи тәрәп болса, 5 миң адәмниң бу паалийәткә иштирак қилғанлиқини билдүргән. Паалийәт қатнашқучилири кремл һөкүмитиниң сиясәтлирини вә русийәниң украинаға қаратқан мудахалийисини тәнқид қилидиған көп сандики плакатлар вә башқа тәшвиқат боюмлирини көтүрүшкән.

Өктичиләр рәһбәрлири һөкүмәттин борис немсовниң өлтүрүлүш делосини ениқлап ашкарилашни тәләп қилған болуп,мәзкур паалийәткә русийәдики алтә өктичи партийә әзалири иштирак қилған икән.

Президент путин һакимийәтни игилигән вә қиримни игиләп, украина кризиси келип чиққандин кейин, русийә ичидики өктичиләр вә хәлқаралиқ һоқуқ тәшкилатлири кремлниң русийәдики демократик һоқуқларға еғир дәхли-тәриз қилғанлиқи, өктичи пикирдикиләргә зәрбә бериватқанлиқини тәнқид қилмақта,

Пикирләр (0)

Барлиқ пикир - баянларни көрүш.

Пикир қошуң

Радиониң ишлитиш шәртлиригә асасән, пикирлириңиз тәкшүргүчиләр тәрипидин тәстиқлиниши вә мувапиқ дәриҗидә тәһрирлиниши түпәйли, тор бәттә дәрһал пәйда болмайду. Сиз қалдурған мәзмунға әркин асия радиоси җавабкар болмайду. Башқиларниң көз қариши вә һәқиқәткә һөрмәт қилишиңизни сораймиз.

Толуқ бәт