Moskwada chong jamining échilish murasimi ötküzüldi

Muxbirimiz jüme
2015-09-23
Share

23-Séntebir rusiye paytexti moskwada yawropadiki eng chong jami dep qaralghan moskwa merkiziy jamisining échilish murasimi ötküzüldi, jamining échilishi pütkül musulman dunyasi bu yilliq qurban héytni qutluqlashqa hazirlan'ghan peytlerge toghra keldi.

10 Ming kishi sighidighan, 3 qewetlik bu körkem meschitning yopuqini rusiye prézidénti wladimir putin bilen rusiyening bash muptisi rawil gheynidin birlikte achti.

Échilish murasimigha türkiye prézidénti rejep tayyip erdughan, pelestin prézidénti mehmud abbas qatarliq chet'el rehberlirimu alahide teklip bilen qatnashti.

Échilish nutqini sözligen rusiye prézidénti wladimir putin mezkur jamining oxshimaydighan din we ériqidiki kishilerni ittipaqlashturush idé'ologiyesi üstige qurulghan bir dölet üchün muhim ehmiyetke ige ikenlikini bildürdi.

Melum bolushiche nöwette moskwada 4 jami bar bolup, bular moskwaning barghanche köpiyiwatqan musulman jama'itini sighdurup kételmeydiken.

Bu yilliq qurban héyt namizigha moskwada yéngi échilghan meschitke 60 minggha yéqin adem kélishi texmin qilinmaqta iken.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.

Toluq bet