Meshhur boks shahi muhemmed eli 74 yéshida alemdin ötti

Muxbirimiz jüme
2016-06-05
Share

Amérikiliq meshhur boks shahi muhemmed eli 3 - iyun 74 yéshida alemdin ötti. Uning a'ile bayanatchisining axbaratqa bildürüshiche, muhemmed eli yéqindin buyan nepes yolliri késelliki bilen arizonadiki bir doxturxanida dawali'iwtqan bolup, u shu jeryanda jan üzgen.

Muhemmed eli 1942 - yili 17 - yanwar kéntakiy shtatida tughulghan. Uning tughulghanda qoyulghan ismi kasyus kley bolup u, 1964 - yili mayda islam dinini qobul qilghanliqini we ismini muhemmet eli ge özgertkenlikini jakarlighan.

Muhemmet eli wapat bolghandin kéyin dunya rehberliri teziyenamilerni élan qildi.

Bu munasiwet bilen shenbe küni bayanat élan qilghan amérika prézidénti barak obama muhemmed elini"qisqa muddet bolsimu körüsh we bilish pursiti bergen xudagha hemdusana éytidighanliqi" ni bildürdi.

Obama yene muhemmed elining amérika bashqa jaylardiki qara tenlikler hoquqi küreshchiliri bilen bir septe turghanliqi, bu jeyranda"eng qéyin shara'itlardimu, yalghuz qalsimu tewrenmigenliki" ni körsitip" u biz üchün küresh qilghan idi"Dédi.

Muhemmed eli, 1964 - yilidin 1966 - arisida uda uch qétim dunya chémpiyoni bolghan.

U 1967 - yili wiyétnam urushi üchün eskerlik mejburiyitini öteshke chaqirilghan bosimu, emma urushqa qarshi turidighanliqini bildürüp, esker bolushtin bash tartqan. Kéyin u sotqa tartilghan, amérika aliy soti uninggha artilghan eyibleshlerni aghduridu.

Axbaratlarda neqil qilinishiche, shu yili bu heqte toxtalghan amérika puqraliq hoquqi herikiti yétekchisi martén lutér king muhemmed elining eyni chaghda öz étiqadi we mewqesi üchün türmige kirishke hazirlan'ghanliqini bildürgen.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.

Toluq bet