Uyghur diyarining éghir derijide buzulghan muhiti béyjing da'irilirining diqqitini qozghashqa bashlighan

Muxbirimiz qutlan
2017-03-18
Élxet
Pikir
Share
Print

Uyghur diyarida kündin-kün'ge éghirlishiwatqan muhit buzulush mesilisi béyjing da'irilirining béshini aghritishqa bashlighan.

Igilinishiche, béyjingdiki "Ikki yighin" mezgilide Uyghur diyarigha munasiwetlik pikir-teklipler ichide muhit bulghinish mesilisining eng gewdilik mesile süpitide otturigha qoyulghanliqi melum.

Tengritagh torining bu heqtiki xewirige qarighanda, xitay dölet re'isi shi jinping "Shinjang wekilliri" ning muhakimisige qatnashqanda, rayondiki ékologiyelik muhitni qoghdashni kücheytip, bulghinish we qumlishishning aldini élish heqqide mexsus körsetme bergen.

Xewerde déyilishiche, Uyghur élining jenubiy nahiyeliridin kelgen bezi wekiller muhit heqqide teklip bérip, "Iqtisadiy tereqqiyat üchün muhitni qurban qilmasliq" ni telep qilghan iken.

Melumki, qumlishish sür'itining tézlishishi, muzluqlarning tariyishi, su menbelirining aziyip, yer asti su yüzining töwenlep kétishi shuningdek hawadiki bulghima maddilarning éship kétishi Uyghur diyarida eng gewdilik körüliwatqan muhit mesililiri iken.

Aldinqi küni xitay memliketlik yuqumluq késellikler merkizi ürümchi shehirining hawa süpitining xitaydiki hawasi eng bulghan'ghan 38 sheher ichide eng nachar orunda turidighanliqini ashkarilighan idi.

Toluq bet