«Инқилабий шәрқий түркистан» гезитиниң ахирқи мухбири мунир йерзин вапат болди

Мухбиримиз үмидвар
2020-06-29

Атақлиқ тарихчи, қазақистандики уйғуршунаслиқ илминиң асасчилиридин бири мунир ерзин(оңдин биринчи)ниң 90 йиллиқ тәвәллутиға беғишланған илмий муһакимә йиғинидин көрүнүш. 2017-Йили декабир, алмута.

RFA/Oyghan

Татар вә уйғур икки қериндаш хәлқниң пәрзәнти, бир өмүр һаятини уйғур хәлқиниң мустәқил дөлитини қуруш вә азадлиқ күрәшлиригә һәм уйғур хәлқиниң тарихи вә мәдәнийитини тәтқиқ қилишқа беғишлиған уйғуршунас мунир йерзин әпәнди 2020-йоли 29-июн күни 92 йешида алмутада вапат болди.

Мунир йерзин әпәнди 1928-йили алтайда татар зиялийси аилисидә туғулған. 1942-1945-Йили үрүмчидики өкилик хитай дарилмуәллиминидә оқуған. 1946-Йили, 9-айлардин башлап, таки 1947-йили, 8-айғичә әхмәтҗан қасими контроллуқидики уйғурчә, қазақчә» шинҗаң гезити «дә хизмәт қилған, 1947-йили, 8-айда әхмәтҗан қасимиға әгишип ғулҗаға кетип,» инқилабий шәрқий түркистан «гезитидә таки 1949-йилиниң ахириғичә хизмәт қилған вә үрүмчигә беришни рәт қилип, ғулҗада қалған. У, 1955-йили совет иттипақиға көчүп кәткән вә 1967-йилиғичә алмутада уйғур тилида чиқидиған» коммунизм туғи «гезитидә хизмәт қилған. У, 1967-йилидин башлап, қазақистан пәнләр академийәси уйғуршунаслиқ бөлүмидә, 1986-1996-йиллири уйғуршунаслиқ институтида тәтқиқатчи болуп ишлигән. Мунир йерзин тунҗи қетим уйғур мәтбуат тарихи һәққидә кандидат докторлуқ диссертатсийиси йезип, тарих пәнлири кандидат доктори болған һәм өмриниң 50 йилидин артуқ вақтини мәхсус уйғур тарихи, уйғур мәтбуат тарихи шуниңдәк йәнә татар тарихи мәсилилиригә беғишлиғаниди.

Мунир йерзин уйғур тарихи тәтқиқати бойичә» совет уйғур мәтбуат тарихи «қатарлиқ бир қанчә китаб вә мақалиләр топламлириниң апторидур.

Мунир йерзин әпәнди һаят вақтида әркин асия радийосиниң» тарих вә бүгүн «сәһиписигә көп қетим өзиниң 1944-1949-йиллиридики шәрқий түркистан миллий азадлиқ инқилаби дәвридә көргән-билгәнлири вә бешидин өткүзгән һаят кәчүрмишлирини сөзләп, аңлиғучиларда чоңқур тәсират қалдурғаниди. Мунир йерзин әпәнди инқилаб рәһбири әхмәтҗан қасими башлиқ муһим әрбаблар билән сөһбәтдаш болған вә уларниң тапшуруқлирини орундиған. У, 1946-1949-йиллиридики үрүмчи вә илида йүз бәргән көплигән сиясий, мәдәнийәт, иҗтимаий вәқәләр шуниңдәк шаһити вә шәрқий түркистан җумһурийитииң» инқилабий шәрқий түркистан «гезитиниң ахирқи мухбири иди.