Садиқ хан лондон шәһириниң тунҗи мусулман шәһәр башлиқи болуп сайланған

Мухбиримиз қутлан
2016-05-09
Share

Б б с ниң хәвиригә қариғанда, 7-май күни әнглийә ишчилар партийәсидин болған садиқ хан сайламда ғәлибә қилип, лондон шәһириниң тунҗи мусулман шәһәр башлиқи болуп қалған.

Садиқ хан сайламда утуп чиққандин кейин нутуқ сөзләп, өзиниң лондон үчүн пәхирлинидиғанлиқини, чүнки лондон шәһириниң вәһимә вә бөлүнүшни әмәс, бәлки үмид вә иттипақлиқни таллиғанлиқини билдүргән.

Бу қетимлиқ лондон шәһириниң шәһәр башлиқлиқини талишиш сайлимида мәғлубийәткә учриған консерватиплар партийәсиниң намзати зак голдсимис таратқуларда садиқ ханға шиддәтлик һуҗум қозғиған. У садиқ ханни "әсәбий күчләр" ниң һәмраһи дегән һәмдә көп қетим уни "әсәбий унсурлар үчүн мунбәр һазирлиди, кәйпият яратти шундақла уларни һимайә қилди" дәп һуҗум қилған.

Һалбуки, дунядики көп қисим кишиләр садиқ ханни қизғин тәбриклигән. Албанийә пайтәхти тирана шәһириниң башлиқи ерион "садиқ ханниң ғәлибиси явропаға илһам вә яхши хәвәр елип кәлди" дегән. Париж шәһириниң башлиқи анна һидалго садиқ ханни қизғин тәбрикләп, "бу инсанпәрвәрлик һәм илғарлиқ" дәп көрсәткән.

Садиқ ханниң явропадики әң чоң шәһәр-лондонға тунҗи мусулман шәһәр башлиқи болуп сайлиниши явопада көчмәнләргә, болупму мусулман көчмәнләргә нисбәтән пассип кәйпият көтүрүлгән бир мәзгилгә тоғра кәлгән. Униң үстигә техи йеқиндила шиветсийәниң түрк нәслидин болған өй-мүлүк вә қурулуш министири мәһмәт қаплан билән шиветсийә парламентиниң мусулман парламент әзаси ясер хан таратқуларниң бесими билән вәзиписидин арқа-арқидин истепа бәргән иди.

Мәлум болушичә, садиқ хан әнглийәдә туғулған болуп, униң ата-аниси пакистандин әнглийәгә көчүп барған мусулман көчмәнләрдин икән. У лондонға шәһәр башлиқи болуп сайлиништин илгири британийә парламентиниң әзаси вәзиписидә болған икән.

Пикирләр (0)

Барлиқ пикир - баянларни көрүш.

Пикир қошуң

Радиониң ишлитиш шәртлиригә асасән, пикирлириңиз тәкшүргүчиләр тәрипидин тәстиқлиниши вә мувапиқ дәриҗидә тәһрирлиниши түпәйли, тор бәттә дәрһал пәйда болмайду. Сиз қалдурған мәзмунға әркин асия радиоси җавабкар болмайду. Башқиларниң көз қариши вә һәқиқәткә һөрмәт қилишиңизни сораймиз.

Толуқ бәт