1 - Nomurluq muzluq yene 50 yilda pütünley érip tügep kétishi mumkin

Muxbirimiz jüme
2017-04-29
Élxet
Pikir
Share
Print


Tengritagh tizmisigha jaylashqan birinchi nomurluq muzluqning érish qedimi tézleshkenliki, uning yene 50 yilda pütünley érip tügep kétishi mumkinliki ilgiri sürülmekte.

Xitay xelq torida bu heqte bérilgen xewerde körsitishiche, xitay penler akadémiyesi tengritagh muzluqini közitish - tekshürüsh ponkitining bashliqi li jongchin mezkur muzluqning ötken bir yilda 13 yérim métir érigenliki, eger mushu süret boyiche bolghanda buning 50 yildin kéyin pütünley yoqap kétish xetirige duch kélidighanliqini éytqan.

Xewerge qarighanda, 2016 - apréldin, 2017 - yili aprélghiche bolghan ariliqtiki tekshürüsh netijisige qarighanda, muzluqning sherqiy we gherbiy qirliri körünerlik qisqarghan, jem'iy qisqirish qélinliqi 13 yérim métir bolghan.

Déngiz yüzdin texminen 4 ming métir igilikke jaylashqan 1 - nomurluq muzluq ürümchining asasliq su menbeliridin biri iken. Ilgiri, bu muzluqning ötken 40 yil mabeynide 140 métir népizligenliki, etrapidiki muzluq kölimimu körünerlik derijide azayghanliqi körsitilgen.

Tengritar muzlulirida körüluwatqan bu érish hadisisi heqqide toxtalghan mutexessisler ilgiri radi'omizgha muzluqlarning érishige dunya xaraktérlik kilimat özgirishidin bashqa, ademlerningmu seweb bolghanliqini bildürüshken.

Li jongchin tengritagh muhitining jiddiy qoghdilishi we muzluqlarning érishining aldi élinishi lazimliqini, eger shundaq bolghanda muzluqlarning érish qedimini astilatqili bolidighanliqini bildürgen.

Toluq bet