Myunxén shehiride qoralliq hujum yüz bérip, bir qanche adem ölgen

Muxbirimiz erkin
2016.07.22
Share on WhatsApp
Share on WhatsApp
myunxenda-hujum.jpg Gérmaniyening myunxén shehiridiki bir soda merkizi qoralliq hujumgha uchrap, bir qanche adem ölgen we yarilan'ghan. 2016-Yili 22-iyul.
AFP

Jüme küni kechqurun gérmaniyening myunxén shehiridiki bir soda merkizi qoralliq hujumgha uchrap, bir qanche adem ölgen we yarilan'ghan. Saqchilar hujumchi yaki hujumchilarning hazirgha qeder qéchip yürüwatqanliqini bildürdi.

Gérmaniye “Bild géziti” ning bildürüshiche, hujumchi myunxén olimpik meydani yénidiki soda sariyida bir qanche ademni oqqa tutup, andin shu etraptiki métro istansisi terepke qarap qéchip ketken. Myunxén sheherlik saqchi idarisi firansiye agéntliqigha bergen uchurida, “Birqanche adem öldi we yarilandi” dégen.

Hujum yüz bergen jay dunya Uyghur qurultiyining ishxanisi we shu etraptiki teklimakan Uyghur réstoranigha yéqin bolup, hujumdin qachqan bezi ahaliler d u q ning ishxanisi we teklimakan réstoranigha qéchip kiriwalghan.

Hazir saqchilar hujumchi yaki hujumchilarni axturuwatqan bolup, ahalilerni talagha chiqmasliqqa agahlandurghan. Hujumni kimning élip barghanliqi melum emes. Emma bu gérmaniyede yéqinqi bir hepte ichide yüz bergen 2‏- qétimliq hujum.

Buningdin bir qanche kün awwal bawariyening wüzburg shehiride 17 yashliq bir afghanistan musapir bala poyizda palta we pichaq bilen yoluchilargha hujum qilip, ilgiri kéyin bolup, 5 ademni yarilandurghan. Hujumchi saqchilar teripidin étip öltürülgen bolsimu, emma bu weqe ötken yildin buyan bir milyondin artuq ottura sherqliq musapir éqip kirgen gérmaniyede kishilerni qattiq endishige sélip qoyghan idi.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.